Oblíbené biblické verše z Tíntɔ́n 35

Sdílet

Mɔyízi ɖɔ nú Izlayɛ́li ví lɛ́ɛ ɖɔ: “Mi ní tunwun ɖɔ Mawu Mavɔmavɔ sɔ́ mɛ ɖé nú azɔ̌ énɛ́ ɔ́: Besalɛli, Wulíi ví, Húu vívú ɔ́ wɛ; akɔta Judáa tɔn ɔ́ mɛ wɛ é jɔ ɖe. É ná ɛ Yɛ tɔn bɔ é gɔ́ ayi tɔn mɛ, bɔ é bí bó ná mɔ nukúnnú jɛ nǔ mɛ titewungbe. É ná tunwun azɔ̌ xwítíxwítí alɔkpa bǐ.

Ée Mawu Mavɔmavɔ ná nǔnywɛ́ yě bɔ é gɔ́ ayi yětɔn mɛ mɔ̌ ɔ́, yě ná nɔ wa azɔ̌ alɔkpa alɔkpa lɛ́ɛ bǐ: yě ná nɔ kpa awǐnnya ɖagbe ɖagbe lɛ́ɛ, yě ná nɔ ɖe nǔ dó avɔ mɛ, yě ná nɔ́ kó avɔ kwlésinnɔ, avɔ vɔvɔ, avɔ vɔvɔ cɛ́cɛ́; yě ná nɔ kó lɛ̌ɛnkanvɔ, yě ná nɔ́ lɔn avɔ, bó ná nɔ́ wa azɔ̌ tɛnmɛ tɛnmɛ lɛ́ɛ abǐ yě ná nɔ́ dó nǔ lɛ́ɛ wá.