Oblíbené biblické verše z Tíntɔ́n 2

Sdílet

Mawu se azɔn e wɛn wɛ Izlayɛ́li ví lɛ́ɛ ɖe ɔ́, bó ka tunwun ɖɔ akɔ e émí jɛ xá Ablaxámu kpó Izáki kpó Jakɔ́bu kpó é kpo ɖo te. É mɔ nǔ e ɖo Izlayɛ́li ví lɛ́ɛ gbo wɛ ɔ́ bɔ nǔ yětɔn blá wǔ n'i.

Nǔ énɛ́ lɛ́ɛ jɛ ɔ́, xwe tɔn ko sɛ yi, bɔ Ejípu xɔ́sú ɔ́ wá kú. Izlayɛ́li ví lɛ́ɛ kpo ɖo azɔn wɛn wɛ ɖo kannumɔzɔ́ e wa wɛ yě ɖe ɔ́ glɔ́, bó ɖo xó sú wɛ. Xó e sú wɛ yě ɖe ɖo kannumɔgbénu ɔ́ hun káká yi Mawu gɔ́n.

Ée vǐ ɔ́ wá su ɔ́, é kplá ɛ wá jó nú axɔ́ví nyɔ̌nu ɔ́, bɔ é sɔ́ ɛ dó ɖó vǐ. É sun nyǐkɔ ɛ ɖɔ Mɔyízi. Đó é ɖɔ: “Tɔ mɛ wɛ un ɖe e tɔ́n sín.”

Ée nyɔ̌nu ɔ́ wá ɔ́, axɔ́ví nyɔ̌nu ɔ́ ɖɔ n'i ɖɔ: “Kplá vǐ élɔ́ yi xwé, bó nɔ́ ná ɛ anɔ̌ nú mì; un ná nɔ́ sú axɔ́ we.” Bɔ nyɔ̌nu ɔ́ yí vǐ ɔ́, bó nɔ́ ná anɔ̌ ɛ.

Axɔ́sú Ejípu tɔn sín vǐ nyɔ̌nu ká wá wǔ lɛ gbé; hǎgbɛ́ tɔn e kplá ɛ lɛ́ɛ ɖo sa ɖi gbɔn Nilu tɔ ɔ́ tó wɛ. Éyɛ́ ká mɔ xasun ɔ́ sɛ́ dó ɖo fánkan mɛ, bó sɛ́ mɛsɛntɔ́ tɔn dó ɖɔ é ní yi zé wá.

Hwenu e Mɔyízi wá nyí mɛxó ɔ́, é wá su gbe ɖokpó, bɔ é tɔ́n bó yi kpɔ́n nɔví tɔn e kpó é kpó nyí akɔ ɖokpó ɔ́ lɛ́ɛ, bó mɔ azɔ̌ syɛ́nsyɛ́n e wa wɛ yě ɖe lɛ́ɛ. É mɔ Ejípunu ɖé ɖo nɔví tɔn Eblée lɛ́ɛ ɖokpó xo wɛ. Ée é mɔ mɔ̌ ɔ́, é kpɔ́n ɖisí bó kpɔ́n amyɔ, bó mɔ ɖɔ mɛɖé kún ɖo fínɛ́ ó. Énɛ́ ɔ́, é xo Ejípunu ɔ́ hu, bó kplé kɔ́ dó jǐ tɔn.