Oblíbené biblické verše z JOAN 5

Sdílet

’Tua nee lutu'uriapo junen jiaka nee inika'a teuwaa, wa'a, juka' in teuwaa'uta a' mammateka a' jikkajame, intok juka' Liojta, a'abo nee bittuakamta a' sualeme, ini'i, jiba yuu jiapsine. Intok ini'i, ka tu'isi a' tawanee'uta ka a' bitne, bwe'ituk ini'i, Liojta bichapo ka tu'isi tawaritaka a' muk'ea'u betana jaibu jinne'uritaka, jiba yuu jiapsiwamta jipue.

Ju'u Jesus junama bo'okamta bichakai, intok junuen jaibu binwatuk naateka junuen a' ko'okoe'ut ju'une'eakai, iniau: ―Jaisa empo emo ine'etepea ja'ani ―ti au nattemaek.

Eme'e, Liojta betana weyeka jume' ji'osia ji'ojteim, tua eme'e amet suaka emo am majta. Bwe'ituk eme'e, juka' jiba yuu jiapsiwamta inim ji'ojteimpo emo a' bit machia. Taa junuentaka juni'i, inime'e Liojta betana ji'osia ji'ojteim, juname'e, jume' nee betana lutu'uriata a' teuwaame o'oben. Eme'e intok tua ka nemak eebae, junuen juka' jiba yuu jiapsiwamta enchim bit betchi'bo.

Ju'u Jesus iniau: ―Yejte'e, intok juka' em aet bo'oka'uta toboktaka, weene ―ti au jiiak. Jiba junama lautipo intok ini'i o'ou tu'ika taawak. Intok juka' aet a' bo'oka'uta nu'uka naa wee taitek. Taa junama intok sabala taewaitakai.

Junak ju'u Jesus inimmeu: ―Lutu'uriapo ne inen emou jiia, juka' Liojta yoemia, ini'i aapo a' ea'po tua kaita a joone. Ala wepulsi juka' a' yo'owata aapo'ik joa'uta a' bichaka'uta, junaka jiba a jooa. Juka' achaiwaita si'imeta juka' a' joa'uta, ket ju'u a' yoemiawai junaka'a a joone.