Oblíbené biblické verše z Romanos 8

Sdílet

Musyantsikmi ima pasaptinpis Teyta Diosta kuyaqkunapaqqa llapanpis alli kananpaq kashqanta. Pëkunataqa Teyta Dios qayarqan kikin munashqannö kananpaqmi.

Teyta Diosqa kuyamantsikmi kawashqapis, wanushqapis, ima pasamashqapis y ima pasamänantsikpaq kaptinpis. Tsëmi angelkunapis, ni supëkunapis, ni ima puëdiq kaqkunapis, ni ciëluchö kaqkunapis, ni patsa rurinchö kaqkunapis, ni Teyta Dios ima kamashqankunapis pëpa kuyakïninpita rakimäshuntsu. Tsënö kuyamashqantsikta käyitsimarquntsik noqantsik rëkur wanunanpaq Señornintsik Jesucristuta kachamurmi.

Teyta Diosta mañakurpis manam shumaqllaqa puëdintsiktsu pë munashqannö mañakïta. Tsëmi Espíritu Santu Teyta Diosta waqapëpa favornintsik mañakun.

Tsënö këkaptinqa ¿imatanataq munashun? Teyta Dios noqantsikpaq këkaptinqa ¿pinataq contrantsik kanqa?

Tsëmi Jesucristuchö kaqkunaqa condenashqatsu kayanqa. [Jutsata rurakur kawayänanpa rantinqa Espíritu Santu käyitsishqannömi kawëkäyan.]

Jutsapa munëninchö kawaqkunaqa Teyta Diospa nöpanman manam chäyanqatsu. Espíritu Santupa poderninchö kawaqkunaqa Teyta Diospa nöpanchö wiñëpam kushishqa kawayanqa.

Tsëkuna pasamashqapis Teyta Dios kuyamashqam imëpis kushishqa markäkuntsik.

Kë patsachö jipashqantsikkunaqa pasariqllam këkan. Gloriachö kushikunantsikpaq kaqmi wiñëpaqa kanqa. Tsëtaqa llapan shonqüwanmi creyï.

Jesucristupa kuyakïninpita ¿piraq rakimäshun? Pëqa kuyamantsikmi jipashqapis, llakikushqapis, nunakuna chikimashqapis, mallaqashqapis, ratashninnaq kashqapis, ima pasamashqapis y nunakuna wanutsimashqapis.

Mañakurmi Teyta Dios munashqannölla imëpis mañakun. Espíritu Santu noqantsikpaq mañakushqankunatam Teyta Dios musyëkan. Pëqa shonquntsik imata yarpashqankunatapis musyanmi.

Teyta Diospa Espïritun käyitsishqannö kawaqkunaqa llapanpis Teyta Diospa wamrankunam kayan.

Jutsapa poderninchö kawaqkunaqa shonqunkuna yarpashqanta rurayänanpaqmi yarpëkäyan. Espíritu Santupa poderninchö kawaqkunaqa Espíritu Santu käyitsishqannö kawayänanpaqmi yarpëkäyan.

Noqantsik rëkur wanunanpaq kuyë Tsurintapis kachëkämurqa ¿manatsuraq llapan änimashqantsiktapis pëwan Teyta Dios cumplinqa?

Kikin Espíritu Santum käyikätsimantsik Diospa wamran kashqantsikta. Teyta Diospa wamran karmi pë änikushqan herenciata Jesucristo chaskishqannö noqantsikpis chaskishun. Imata jiparpis Jesucristuman markäkurqa pëwanmi gloriachö kawashun.

Jutsapa poderninchö kawaqkunaqa Teyta Diospa contran karmi leyninkuna nishqannö kawëta munayantsu ni puëdiyantsu.

Tsënö kaptinmi Teyta Dios wamrankunata nöpanman ëllunanta llapan kamashqankuna shuyarëkäyan.

Tsëyaqmi Teyta Dios llapan kamashqankunapis warmi qeshpikur jipashqannö jipar llakikïkäyan.