Oblíbené biblické verše z Romanos 11

Sdílet

Llapantapis Teyta Diosmi kamashqa. Pë munaptinmi llapan imëkapis këkan. Llapanpis pëllapam këkan. ¡Imëyaqpis Teyta Dios alabashqa këkullätsun! Tsënö katsun.

¡Teyta Diosqa alläpa yachaqmi y käyiqmi këkan! ¡Pë yarpashqankunata y rurashqankunata manam pipis käyita puëdintsu!

Teyta Dios yarpashqankunata ¿pillapis musyantsuraq? Yachaq kananpaq ¿pillapis pëta yachatsintsuraq?

Elías kawashqan tiempunöllam kananpis wakin Israel nunakuna Teyta Diosta sirwikäyan. Tsënö sirwikäyan Teyta Dios pëkunata ankupar akrashqanpitam. Manam imatapis allita rurayashqanpitatsu akrarqan, sinöqa jutsayuq kayaptinpis ankupäkuq karmi akrarqan. Imatapis allita rurayashqanpita akrarqa manam ankupäkuq kartsu akranman karqan.

Israel nunakunapis sagrädu këkarmi Jesucristuta mana chaskikurnin olïvu montipita muturishqanö këkäyan. Qamkunaqa olïvu montiman injertashqanöllam këkäyanki. Tsëmi lluta olïvupa rämankunanö këkarpis tsë alli olïvu montipa sipinpita salvacionta chaskikäyanki. Olïvu montiman injertashqanölla këkarqa ama alabakuyëtsu Israel nunakunapita mas precisaq kayashqëkita. Manam rämatsu montita kawëta qon, sinöqa sipinmi.