Oblíbené biblické verše z Gálatas 5

Sdílet

Espíritu Santupa poderninchö kawarmi kuyanakuntsik, kushikuntsik, alli pasakïchö kawantsik, pacienciakuntsik, qollmi shonqu kantsik, yanapakuq kantsik, änikushqantsikta cumplintsik, manshu nuna kantsik y allillata ruranantsikpaq käyikuntsik. Tsënö kawarqa manam ima leytapis manakaqpaq churëkantsiktsu.

Tsëmi niyaq: Espíritu Santu käyitsiyäshushqëkinölla kawakuyë. Tsënö kawarqa manam shonqïkikuna munashqannö jutsata rurayankitsu.

Espíritu Santupa munëninchö këkarqa pë käyitsimashqantsiknö kawakushun.

Jesucristupana karmi unë kawënintsiktaqa cruzchö wanuratsishqana këkantsik. Tsëmi jutsa rurëkuna yarpënintsikman shamuptinpis cäsuntsiknatsu.

Llutan yarpëkunata ruraqkunaqa casakushqa këkarmi [jukwan jukwan purikuyan,] fornicación jutsata rurayan, melanëpaq kaqkunata rurayan, achachapäkurmi penqakïpaq jutsata rurayan, ïdulukunatam adorayan, nuna mayintam brüjatsiyan, nuna mayintam chikiyan, liryakuyan, cëlanakuyan, imallapitapis piñakuyan, qayapänakuyan, qarqunakuyan, sientitsinakuyan, imbidiösu kayan, [nuna mayinta wanutsiyan,] machakïllachö kakuyan, macharkur llutankunata rurayan y tsënöllam ima jutsatapis masta rurayan. Nöpata nishqänöllam kananpis niyaq: Tsënö kawaqkunaqa Teyta Diospa mandakïninman manam chäyanqatsu.

Wawqikuna y panikuna, Teyta Dios qayayäshurqunki librina kayänëkipaqmi. Tsënö kaptinpis <<librinam kä>> nir ama jutsata rurakïkäyëtsu, sinöqa jukniki juknikipis kuyanakur yanapanakuyë.

Llutan yarpëkunaqa Espíritu Santupa contranmi y Espíritu Santunam llutan rurëkunapa contran. Tsëmi ishkan contranakuyaptin alli rurëta munarpis puëdiyankitsu.

Diospa leyninchö kënömi nikan: <<Kikiki kuyakushqëkinö nuna mayikitapis kuyanki>>. Tsënö nishqanta cumplirqa llapan leyninkunatam cumplikäyanki.

Tsënö kawarqa pitapis piñatsir ama nuna tukur imbidiösu kashuntsu.

Jesucristo libramashqam Moisés qellqashqan leykunapa munëninchö kashqantsikpita librina këkantsik. Tsënö këkaptinqa tsë leykunata cumpliyänëkipaq obligayäshuptiki ama cäsuyëtsu.