Oblíbené biblické verše z Éxodo 34

Sdílet

Shutinta willarmi Moiséspa puntanta pasar nirqan: <<¡Yahweh! ¡Yahweh! Ankupäkuq y perdonakuq Diosmi kä. Imapitapis jukllaqa mana piñakuqmi kä. Alläpa kuyakuqmi kä. Äninqätaqa imëpis cumplïmi. Waranqa waranqa atskaq nunakuna kaptinpis ankupämi. Mana cäsumar jutsata ruraptinpis perdonämi. Jutsa rurëta mana jaqiqkunataqa tëtantapis, tsurintapis, willkantapis y willkanpa tsurintapis castigämi>>.

Tsëchö täraq nunakunapa diosninkunamanqa ama qonqurikuyankitsu ni adorayankitsu. Noqallam TEYTA DIOSNIKI kä. Juk dioskunata adorayaptikiqa alläpam piñakü.

Moisés tsënö niptinmi TEYTA DIOS nirqan: <<Mañakamanqëkita änirmi pactuta rurashun. Më nacionchöpis ni më markachöpis mana rikäyanqan milagrukunatam qamkunapa nöpëkikunachö rurashaq. Espantëpaq ruranqä milagrukunata rikarmi wakin nación nunakunapis qamkunata yanapayanqaqta musyayanqa.