Oblíbené biblické verše z Dúcasiy 4

Sdílet

“Ju̱denu Jnutu riva, jiryatiy sabayada daryaju̱ ray, ra̱tidye tu̱chusara jantyuyadavavyara samitu̱choda. Su̱pa̱jada ji̱ta tanuvu̱nusavamyu ray, ra̱tidye tu̱chu richipyatedaju̱ yivara; ni̱sipyuryivyedamuntiy ru̱nu̱yadaju̱, sabonichavamyuntiy jantyutya̱daju̱, ra̱tidye tu̱chu ti̱ta̱ju̱ra: Rito̱ma̱ Vu̱ntyityu̱ nijya̱, varityi sa̱jnu̱y samiy vu̱ñe̱cho̱.”

Su̱mutya̱jada ji̱ta Jesús variñi̱: “Nu̱chara day, Vurya̱jadasiñu ji̱ta Vu̱ntyityu̱ Vuryi̱ndenunijyu̱ vu̱y, vinu sanijyu̱ ni̱day vurya̱jachipiya̱sara ti̱ta̱ju̱.”

Su̱mutya̱jada ji̱ta Jesús variñi̱: “Ne, nu̱charanuma Ju̱denu niquejadamu daryaju̱ darya: Ne sa̱jnu̱chara nijya̱mi̱ vinu pa̱ta.”

Jesús ji̱ta ta̱rya̱da Jurdá̱ja̱musiy. Savicha̱da mu̱chanichi̱ Ju̱denu Jnututa variy. Sayatanumaya̱jada Ju̱denu Jnutu tajityomu variñi̱.

Su̱mutya̱jada ji̱ta Jesús variñi̱: “Jtachara day: Ne ya̱jantya mitya simu yintyityu̱ Ju̱denu.”

Sa̱ntyamu̱yadanumatiy bayantu nutyityu̱ va̱cha vicha̱data saniy Jesús, satocheda variy tarundamuju̱ jasiñi̱.

Sa̱sumityadeda ji̱ta bayantu nutyityu̱ variñi̱, sadityadoda mityamusiy variy ti̱ta̱ju̱ nijya̱nvay mucadini̱, rasu̱tyeryasa̱ra̱ju̱ ti̱ta̱ju̱. Su̱teda variy siva Jesús: “Raryi sa̱y jiirya jirya nijya̱nvay mucadijuu, ti̱ta̱ju̱ rádá jarye risa̱ju̱, ya̱tidye nusu̱y ránchá ti̱ta̱ju̱ riy nijya̱nvay, jiryatiy ri̱mutya̱jada daryaju̱ra. Ramuni̱ raryiche̱ñi̱ saju̱tiy raryisa̱ryu̱rya. Jiryityi jadasiñu rañijyu̱ ji, jiiberya raryicha variy ti̱ta̱ju̱.” Su̱mutya̱jada ji̱ta Jesús variñi̱: “Nu̱chara day, Vurya̱jadasiñu ji̱ta Vu̱ntyityu̱ Vuryi̱ndenunijyu̱ vu̱y, vinu sanijyu̱ ni̱day vurya̱jachipiya̱sara ti̱ta̱ju̱.”

Sapu̱cheda ji̱ta bayantu nutyityu̱ Jerusarí̱muju̱ variñi̱, saranityaniñuvejada Ju̱denu rorivyu̱ rodejcha variñi̱, su̱teda variy siva: “Jiñi̱chatiy si̱tenu Ju̱denu denu, ya̱jatyate jiyusiy jicyu̱, nu̱charanuma daryaju̱ darya: Sa̱jpa̱ Ju̱denu riy yipa̱vay rirya̱tidye jnu̱tya samiy ji, rirya̱jiryesumiy jijyomututa ji, jiiñuma jpatyara jiñumutu saniy ravichu̱.” Su̱mutya̱jada ji̱ta Jesús variñi̱: “Jtachara day: Ne ya̱jantya mitya simu yintyityu̱ Ju̱denu.”