Oblíbené biblické verše z Matiu 16

Sdílet

Bihaen, Jisas hemi sei long olketa disaepol blong hem, “Sapos eniwan hemi wande fo kam falom mi, hemi mas no tingim hem seleva nomoa, bat hemi mas wiling fo karim kros blong hem an falom mi.

So mi talem long yu, yu nao Pita wea yu olsem wanfala ston ya. An antap long disfala bikfala ston ya bae mi wakem sios blong mi long hem. An nomata paoa blong dae, bae hemi no save fo winim disfala sios.

Bae mi givim yu olketa ki blong disfala kingdom long Heven. So wanem yu stopem long disfala wol, God hemi stopem tu, an wanem yu letem long disfala wol, God hemi letem tu.”

Eniwan hu hemi wande fo sevem laef blong hem seleva, bae hemi lusim tru laef blong hem ya. Bat eniwan hu hemi lusim laef blong hem fo mi, bae hem nao hemi sevem tru laef blong hem ya.

?Nomata sapos eniwan hemi winim evrisamting long disfala wol, bat sapos hemi lusim tru laef blong hem from diswan ya, waswe, bae olketa samting ya save helpem hem? Nomoa ya. ?An wanem nao bae hemi givim, mekem hemi save tekembaek moa laef blong hem?

Nao Jisas hemi askem olketa moa olsem, “?Bat waswe long yufala? ?Yufala tingse hu nao mi?” So long taem ya nomoa, Saemon Pita hemi sei nao, “Masta, yu nao disfala Mesaea ya. Yu ya, yu San Blong God hu hemi laef ya.”

Nao Jisas hemi sei long Saemon, “Saemon san blong Jona, yu save hapi tumas ya, bikos wanem yu talemaot abaotem mi, i no man nao hemi somaot long yu ya. Bat Dadi blong mi long heven, hem nao hemi somaot diswan long yu.