Oblíbené biblické verše z Jenesis 27

Sdílet

Letem God hemi givim yu plande ren fo watarem graon, mekem graon hemi gudfala fo hemi givim yu staka gudfala kaikai, an letem hemi givim yu gudfala frut blong grep tri fo mekem staka waen. “Letem olketa pipol blong olketa narafala kantri i waka fo yu, an olketa pipol blong olketa narafala ples i baodaon long yu. Letem yu bos long olketa brata blong yu, an olketa baodaon long yu. “Letem man wea i mekem trabol fo kasem yu, trabol mas kasem hem, bat man wea i askem God fo blesim yu, God mas blesim hem.”

Nao Iso hemi tok olsem, “Hem nao mektu taem nao hemi raverave ya, an hemi stil long mi. Dastawe nao nem blong hem Jekob. Fastaem, hemi tekem finis raet fo onam olketa samting ya wea mi nomoa mi garem raet long hem bikos mi fasbon. An distaem, hemi tekem finis moa evri blesing blong mi. ?Waswe, no eni blesing hemi stap nao, mekem yu givim go long mi?”

Dadi blong hem hemi tok olsem, “Pikinini blong mi. Ples blong yu bae hemi stap farawe from graon ya wea bae hemi givim olketa gudfala kaikai, an farawe from ples wea bae hemi ren long hem. Bae yu mas faet wetem naef fo faet, mekem yu save stap laef, an yu bae yu slev nomoa long brata blong yu. Bat taem yu stanap strong agensim hem, bae yu fri nomoa from hem, an bae yu lusim hem nomoa.”

Bat Iso hemi gohed fo askem moa long dadi blong hem olsem, “?Dadi, waswe? ?Yu bin garem wanfala blesing nomoa ya? !Plis yu blesim mi tu!” Nao hemi gohed fo krae bikfala fogud.