Oblíbené biblické verše z Xhun 16

Sdílet

Pet kat vallu kan unq'a yole' sete, aq'al uva' la yak'in ve't etaama sunk'atz. As k'uxh tuk epaleb'e unq'a k'axk'oe' vatz u tx'ava'e', as ek'ujb'a'taj ek'u'l svi', tan kat oleb'yu ve't in ti' unq'a k'axk'oe' skajayil,— ti'k u Jesús.

As tul la ul ve't u jikla Tiixhla Espíritu, as a'e' la eq'on ex tu u jikla txumb'ale'. Tan jit vitxumb'ale' la ul tal sete, pet a' la ul tale' kam uve' kat tab'i. As la ul taq' etxumb'al ti' uva' kam la uli.

Tan ye'xhkam chit ejaje't te vunB'aale' tuk' vunb'iie'. Pet tuk val sete, ejajtaj te Aak. As la ek'ule', aq'al uva' la chiib' vetaanxelale'.

Pet jik chit tuk val sete, tan aal b'a'ne' la ib'an sete uva' la b'en in, tan asoj ye' la b'en in, as eche' la koj ul u lochol etetze'. Pet la b'en in. As la unchaj tzan u lochol etetze' sek'atz. As tul uva' la ul u lochol etetze', as a'e' la ul alon isuuchil te unq'a tename' ti' vipaave'. As la ul tal isuuchil ti' u jike' as tuk' ti' u k'axk'oe'.

As echat kuxh tuk eb'ane' unpajte, tan tuk txumunoj ex. As tuk vil vib'e' setuk' unpajte, as la chiib' ve't ex svi'. As ye'xheb'il la eesan el u chiib'ichile' tu vetaanxelale'. As tu u q'iie', as eche' kam koj la ech'oti ve't sve. Pet ile' jik chit tuk val sete uva' kam chit uve' la ejaj te vunB'aale' tuk' vunb'iie', as la taq' Aake' sete.

As jik chit tuk val sete uva' tuk oq'oj ex ta'n txumu'm. Pet ech koj unq'a uxhchile', tan chiib'ichil tuk ib'ane'. Pet k'uxh tuk txumunoj ex, as la b'en u txumu'me' schiib'ichil