Oblíbené biblické verše z 1 Corintios 14

Sdílet

tan ye' nisa' u Tiixhe' uva' la sotz ik'u'l unq'a qitz'in qatzike' ti' tab'it u yole'. Pet a' ni tal Aak uva' acha'v u qatine' sukuvatzaj tu u atinb'ale' tetz nachb'al Tiixh ti' qab'it viyol Aake'. As ech la eb'ane' eche' nib'an unka't unq'a qitz'in qatzike' tu unq'a atinb'ale' tetz nachb'al Tiixh tu unjoltu unq'a tename'

Esti'e' ni val sete, eya'lutaj etib' ti' exo'nit etib' sevatzaj. As okojtaj ex ilil ti' ejajat te u Tiixhe' ti' uva' la taq' Aak etijle'm ta'n u Tiixhla Espíritu. As la ejaj te Aak uva' at ex la taq' Aak etijle'm ti' etalat isuuchil viyol Aake' xo'l unq'a qitz'in qatzike'.

As ab'il uva' la alon ve't isuuchil viyol u Tiixhe' te unq'a qitz'in qatzike', niyolone' ti' iyak'insal taama, ti' ichiib'isal taama as ti' toksal xe' taama ti' inimal viyol Aake'.

As ab'il uve' at tijle'm ti' iyolon tu uma't yolb'al as an kuxhe' niyak'insa taama. Pet ab'il uve' at tijle'm ti' talat isuuchil viyol u Tiixhe' xo'l unq'a qitz'in qatzike', as niyak'insa taama unq'a qitz'in qatzike' skajayil uve' ni niman u Jesús.

As echat kuxh b'anel eta'n vitz'in vatzik, tan netachva uva' la taq' u Tiixhla Espíritu etijle'm. Pet a' ni vale' uva' aal b'a'ne' la taq' Aak vetijle'me' ti' elochat unq'a qitz'in qatzike' ti' iyak'insal taama k'atz u Tiixhe'.