Oblíbené biblické verše z Mataio 21

O mea uma fo‘i tou te ole mai ai i le tatalo ‘ua i ai le fa‘atuatua, e maua lava e ‘outou.”

A ‘ua tali atu Iesu, ‘ua fa‘apea atu ‘iā te i latou, “E moni, ‘ou te fai atu ‘iā te ‘outou, ‘Āfai ‘ua ‘iā te ‘outou le fa‘atuatua, ma ‘outou lē māsalosalo, ‘ona faia lea e ‘outou e lē na o le mea ‘ua faia i le mati, ‘ae ‘āfai tou te fai atu i le mauga lenei, ‘‘Ia si‘itia oe, ma lafoina i le sami,’ ‘ona faia lava lea.

O le motu o tagata ‘ua muamua ma ē ‘ua mulimuli, ‘ua ‘alalaga i latou, ‘ua fa‘apea mai, “Osana i le Alo o Tavita; ‘ia manuia lē afio mai i le suafa o le Ali‘i. Osana i mea e aupito i luga.”

‘Ua fa‘apea atu o ia ‘iā te i latou, “‘Ua tusia, ‘E ta‘ua lo‘u fale, o le fale tatalo;’ a ‘ua faia e ‘outou ma ana o ē fao mea.”

“‘Ia ‘outou fai atu i le tama fafine a Siona, fa‘auta, o lo‘o afio mai ‘iā te oe lou Tupu. ‘Ua agamalū o ia, o lo‘o ti‘eti‘e i le asini, o le tama‘i asini fo‘i.”

‘Ua fetalai atu Iesu ‘iā te i latou, “Tou te le‘i faitaulia lava ‘ea i Tusi: ‘O le ma‘a na lafoa‘iina e tufuga fai fale, ‘ua fai lea ma ma‘a tulimanu aupitoaluga; o le mea lea na faia e le Ali‘i, tatou te ofo ai pe a va‘ava‘ai atu i ai?’

O le mea lea ‘ou te fai atu ai ‘iā te ‘outou, E ‘ave‘esea le mālō o le Atua ‘iā te ‘outou, ‘ae tu‘uina atu i se nu‘u e ‘aumai ai ona fua.