Oblíbené biblické verše z Rum. 6

Sdílet

Tunáa takarkumka tuke jákatniun akirmáktatui. Antsu Yuska iikia takaatsrini̱ṉ peṉké ántar tuke iwiaaku pujustinian suramsattaji. Ii Uuntri̱ Jesukrístuja̱i̱ tsaniṉkia pujá asakrin nuna túrutmattaji.

Akupkámu umirkatniuja̱i̱ iwiaaku pujatsrume. Antsu atumín Yus ti anenma asa yamaram iwiaakman suramsaitrume. Tuma asamtai yamaikia tunaaka nupettamkachminiaiti.

Tura imianir Krístuja̱i̱ jaka áintsar métek iwiarnasuitji. Tura Yus ti kakaram asa Krístun jakaan iniantkímia núnisaṉ iincha nu kakarmaja̱i̱ yamaram enentáiji̱a̱i̱ péṉker wekasatniun iniantamkimiaji.

Atumí aya̱shí̱ tunaan túrat tusarum tsaṉkatkairap. Antsu jakamunmaya̱ nantakin asarum Yus wakeramu túratin surumaktarum. Tura aya̱shmisha aya péṉkernak túrati tusarum Yus íktustarum.

Yaunchu enentáimtai̱ṉkia Krístuja̱i̱ métek jaka asamtai ii yajauch wakerutain emeṉkátrutmakuitji. Tuma asamtai yamaikia peṉké umirkashtiniaitji.

Atumsha núnisrumek jaka áintsarum tunáa túrachmin enentáimtumastarum. Antsu ii Uuntri̱ Jesukrístuja̱i̱ tsaniṉkiu asarum iwiaaku pujakrum Yus shiir awajsatarum.

Núnisaitkiuiṉkia Yus naṉkaamas waitnentrampratai tusar ¿tunáa túrattajik? Péṉkea. Warí, iikia tunáa túrashtin jákaitji. Jákaka ¿itiurak tunaan túramniait?

Tuke umireajnia nuna takarniúri̱ntji. Nuka nékatsrumek. Tura ni takarin ajasam umirkatniuitme. Tuma asamtai tunáa umirkurkia ni takarniúri̱ntji tura umirkar jakattaji. Tura Yus umirkurkia péṉker wekasattaji.

Atumsha yáunchuka tunáa umirniuitiatrum ikiukrum yamaikia nekas chicham antukurmena nu nekas atumí enentái̱ji̱a̱i̱ umirkaitrume. Tuma asamtai Yus ti yumiṉsatniuiti. Yamaikia tunaanumia̱ aṉkant ajasu asarum tí peṉker wekasatniunam pachinkiaitrume.