Oblíbené biblické verše z Tur. 17

Sdílet

Winia e̱a̱tkar wáitkiarat tusa Yus nuna túrayi. Túrasha Yuska jeashtaka pujurtamtsuji.

Nekaatarum. Ashí nuṉkanam matsamsarat tusa nú numpanmaya̱nak ashí aentsun najanamiayi. Tura Yuska ii tsawantri̱n nekapmaiti, ii pujustinniasha nútiksaṉ nakakmiayi.

Nekaatarum, nu Uunt Yuska ashí nuṉkan tura nui̱ írunna nuna najanaiti. Tura Nisha nayaimpin nuṉkancha nérenniuri̱nti. Tura aents najanamu je̱a̱nam nú Yuska pujuchuiti.

Yuska áishmaṉkan anaikiaiti. Nú áishmaṉ ashí aentsti, yaki péṉkeran túriniait yaki yajauchin túriniait núnaka nekarmattaji. Nú áishmaṉ Yus akupkámun tuke enentáimtakui Yus nin anaikiaiti. Tura tsawant nú túrunatin átatna nuna Yus Niṉki achikiuiti. Túrasha nekas anaikiajai tusa tura ashí aentstiram nekaatarum tusa nú aishmaṉkan jakamunmaya̱ iniantkímiayi” tímiayi Papru.

Tura iisha Yus najatma asakrin kuriji̱a̱i̱ najanamusha, yúsaiti, tu enentáimsashtiniaitji. Tura kuit yussha, kaya yussha aents enentáimsar najanamuka yúsaiti tu enentáimsashtiniaitji.