Oblíbené biblické verše z Génesis 1

Impoiji icanti Tasorentsi: “Tsame avetsiqueta iriori atiri. Inquempetaquee arori. Iriotaque pincatsariventajeiterineri maaroni incajaresatipee, tsimeeripee, ivirayeetari, coquiyetatsiri aisati noshicayetachari quipatsiqui.” Yovetsicantacariri atiri, yovetsicaqueri shirampari aisati tsinane, ishiacantaca iriori.

Ari itasoncaventaqueri, icanti: “Irishequiasanojeitanaque catsini pitomipee, intsoteanaquero intimayetanaque quipatsipeequi; impincatsariventajeiteri poshiniripee, camatsayetatsiri, vanquiyetachari aisati nijaasatipee, maaroni.”

Ari intacaro Tasorentsi yovetsicaquero inquite aisati quipatsi.

Ora quipatsi te onconijateniji, tecatsi timatsine. Iojatani incajare saanajatatsiri aisati otsimoirotasanotini catsini. Ora Ishire Tasorentsi oshevatapinita jenioquiji, amenacoventantarori.

Impoiji icanti Tasorentsi: “Onquitaiteanaqueta.” Irosati oquitaiteantanaca.

Ari ineacameetsajeitaquero yovetsicajeitaqueri, omoncaratanaca 6 quitaiteri.

Ari ineaquero ocameetsatasanotaque. Irosati inashitacantacaro tsimoirori. Ora tsimoirotatsiniri ipajitaquero “tsiteniri”. Iroquea quitaitetanaintsiri ipajitaquero “quitaiteri”. Ari omoncarataca aparo quitaiteri.

Icantiri aisati: “Pamene, nopajeitaquempiro maaroni panquirentsipee timayetatsiri oitsoqui shiocayetatsiri quipatsiqui aisati inchatopee timayetatsiri chochoquipee. Irotaque poajeiteari.

Ari ineaquero ocameetsatasanotaque. Irosati inashitacantacaro tsimoirori. Ora tsimoirotatsiniri ipajitaquero “tsiteniri”. Iroquea quitaitetanaintsiri ipajitaquero “quitaiteri”. Ari omoncarataca aparo quitaiteri.

Ari icanti aisati: “Ontimanaqueta mencori nashitacayearoneri nija, onashitantanaqueari.” Ari omatanaca.

Iro cantaincha nopajeitaqueri inchashiyetatsiri iroajeiteari poshiniripee, coquiyetatsiri, noshicayetachari quipatsiqui jeri vanquiyetachari.” Irotaque icantaqueriri. Ari omatanaca.

Ari icanti aisati: “Intimayetanaqueta inquitequi quitaiteacoteroneri quipatsi, nashitacayearoneri quitaiteri jero tsiteniri. Aisati iriotaque iotacaajeiterineri quitaiteripee, osarentsipee jeri cashiripee.” Ari imatanaca itimayetanaque.

Impoiji icanti aisati: “Oshiocayetanaqueta quipatsiqui paitapeerica panquirentsiyetatsine, oitsoquiyetatsiri aisati inchatopee chochoquiyetatsineri; onashiyetanaquea maaroni.”

Ari inashitacaacaro nija ishaavijiiniri aisati jenoquiniri.

Ari omatanaca oshiocayetanaque maaroni paitapeerica oitsoquiyetatsiri aisati inchatopee chochoquiyetatsiri. Ari ineacameetsataquero.

Yovetsicaque apite antearitatsiri oreatsineri: yora anteari oreatsineri quitaiteriqui aisati irijaniqui quitasantetatsineri tsiteniriqui jeri impoquiropee quitaporoquitatsineri.

Ari icanti aisati: “Ampatojatanaqueata nija ishaaviji ompirijaiteantanaqueari.” Irosati apatojatantanaca. Ipajitaquero apatojatanainchari “incajare” Aisati ipajitaquero pirijatanaintsiri “quipatsi” Ari ineacameetsataquero maaroni oca imataqueri.

Irosati itasoncaventantacari, icanti: “Pishequiasanojeitanaque catsini, pintsoteanaquero pintimantayetanaquearo incajarepee. Aisati inquempetanaquea vanquiyetachari irishequiasanojeitanaque iriori, intsoteanaquero maaroni quipatsipeequi.”

Ari icanti aisati: “Irishequiasanojeitanaque poshiniripee, virantsipee, coquiyetatsiri aisati noshicayetachaneri quipatsiqui” Irosati yoshequiasanojeitantanaca.

Ari icanti aisati: “Intimayetanaqueta nijaasatipee nashiyetachaneri, aisati inquempejeitanaquea iriori vanquiyetachaneri.” Ari itimayetanaque maaroni.

Ari ineacameetsajeitaqueri maaroni yovetsicajeitaqueri.