Oblíbené biblické verše z Éxodo 10

Sdílet

Nache Ñim Nataxala' 'enapega so Moisés, 'eeta': «'Anqo'oneua'a qome ñi faraón, cha'aye aỹem so'otec ñimaye qataq na ltauapi da ỹataqta qaramchigui, yaqto' sachaxana namayepi da lta'araic ỹo'oxoyec maye ishet da so'ot, yaqto' 'am ishet da 'aua'aqtaxanem qome ca 'aỹa'alaqpi qataq ca 'arhualpi da Aỹem so'otec na Egipto da lta'araic ỹo'oxoyec, yaqto' qami' qauaỹaañita da aỹem maye Nachaỹem Nataxala'».

Nache Ñim Nataxala' 'enapega so Moisés, 'eeta': «'Auachaxaasheguemec qome na 'arhuaq na piguem, yaqto' huo'o ca napalaxa lta'araic 'enauac na Egipto, ivitta'a qome da choche qaipottapeecra'.» Nache so Moisés ỹachaxaasheguemec na lhuaq na piguem. Nache ivi' soua tres na'axa'te da huo'o so napalaxa lta'araic 'enauac ye Egipto. Nache ivittrec se'esoua na'axa'te da qaica ca ishet da ila'a ca lauoreua, nataqa'en qaica ca ishet da iraxan ca lma'. Qalaxaye 'enauac na lma'pi so Israel le'ecpi yo'oqchiguiñi.

Nache so Moisés, ỹachaxaasheguem aso lashelte, naloqteetelec naqa'en ye Egipto. Nache Ñim Nataxala' anacot so la'at, chegaqa'ague da nala' lliguisheguem, nache anactac se'eso na'a'q qataq imauec so 'oonolec pe. Qaq so lỹa na'a'q, nache se'eso la'at maye chegaqa'ague da nala' lliguisheguem, anacot aso shiiquioxoipi. Nache 'enauac ye Egipto ỹataqta nlaqchigui ana shiiquioxoipi. Soua hua'au' vi'iye ỹataqta sa qaỹauanapega da nache 'eetec de'era, da ỹataqta qalota ana shiiquioxoipi, qaq saq 'ena'am se'eso na'a'q.