Oblíbené biblické verše z Filipo'su 2

Sdílet

Tisu in'jan'choma panshaen in'jamba faesuma patsu'fajama. Tsa'ma que'i injama'cho opatssipa qui faesundeccu que'ima bove ñotssi qquen in'jamba canse'faya'cho. Tisumbe in'jan'choveyi in'jan'fajama. Tsa'ma faesuma in'jamba tise'pane ñotssiave tta'tta'faja.

Cristo Jesús tsa'caen cansesi que'i'qque tsa'caen in'jamba canse'faya'cho.

Nane Jesucristoja Chiga tsu. Tsa'ma tise Chigai'ccu fae'ngae jincho'choma injanga an'biamba canjaeñe in'jambi. Tise osha'cho Chigai'ccu jincho'cho'ye joqquitssipa poiyi'cco a'ima bove'ccoave da. Nane a'i du'shuve dapa can'jen. Tsa'caen a'ive dapa can'jemba Chiga in'jan'choma pañamba tisuma antte ti'tsse bove'ccoe dapa egae tsincon'sia'caen paye. Nane bove dyo'tsse egae tsincon'sia'caen tsu avuja'cconga pa.

Nane Chigaja ñoa'me que'ini can'jemba fuite'je. Tise ñotsse in'jan'choi'ccu que'ima in'jaemba que'ima fuiteya tsa'caen tson'faye.

Tsa'ma Jesucristo ño'ama tsa'caen pasi Chiga Quitsaja Tisema ñoa'me ti'tsse'tssiave tson. Osha'choma joccapitssia inisei'ccu tisema inisian cuintsu poiyi'cco majan Jesús inisema paña'da ccarupa dyai'faye. Nane poiyi'cco Chiga sefacconi can'jensundeccu, poi ande'su can'jensundeccu, cocoyai'ccu can'jensundeccu'qque tsa'caen tsu ccaru'faya. Nane poiyi'cco tsu tise'pa aya'fai'ccu “Jesucristoja ñoa'me Na'su tsu” qquen condase'faya. Tsa'caen su'ta tsu Chiga Quitsama ñotsse afa'faya.

Osha'chone noen'gembe'yi ni injanga iñajampañambe'yi que'i tsoña'choma tson'faja. Tsa'caen tson'ñi'da qui shacaya'bi. Que'ija Chiga dushundeccupa egave mechosi cca'indeccu que'ima afaseye osha'faya'bi. Ja'ño'su aindeccu injanga egae in'jan'fa. Tise'pa injama'cho'qque ega'fa. Tsa'ma que'ija va egae tsonsundeccui'ccu fae'ngae can'jemba ñotssiave chanjunqquia'caen qui can'jen'fa.

Ña in'jan'chondeccu, ña que'i'ccu can'jensi qui ña su'choma ñotsse pañamba tson'fa. Ja'ño ña biani can'jensi qui ti'tsse que'ija ñama pañamba tson'faya'cho. Chiga que'ima tayo ccushaen'choma in'jamba injan'jeñi canse'faja que'i ccusha'chone canjaeñe. Tisuyija oshambi qquen in'jamba canse'faja.