Oblíbené biblické verše z Mateyo 18

Sdílet

Mukwiinga apo pabungana bantu bobilo nabi botatwe muliina lyangu, anebo mpoondi pali mbabo.”

“Ntoomulwiita alimwi ayi na bobilo pakati kanu pacishi ca panshi basuminishanya pacintu ncebatoosenga, baTa bali kwiculu balaakubacitila.

Mpeeke Jesu wakeeta mwanike akumwiimika pakati kabo. Lyalo wakabaambila ayi, “Ntoomulwiita calushinisho ayi na mubule kuba mbuli mwanike muniini wa mbuli wooyu, teshi mukenjile muBweene bwa kwiculu.

Aboobo uyo woonse ulibombya mbuli mwanike muniini uyu, ngomunene muBweene bwa kwiculu.

Uyo woonse utambula mwanike wa mbuli wooyu muliina lyangu, ulatambula ndime.

“Ntoomulwiita calushinisho ayi cintu coonse nceenga mwaanga pacishi ca panshi, akwiculu koonse caangwa. Cili coonse nceenga mwaangulula pacishi ca panshi akwiculu cilaakwaangululwa.

Mboboobo, abalo baTa bali kwiculu mbweshi bakacite kumuntu womwi awomwi wa mulikoto lyanu, utalekeleli mukwabo amoyo woonse.”

“Uyo woonse weenga walengesha womwi wa baaba banike baniini bashoma muli ndime ayi abishe, inga cabota kumwaangilila libwe linene lyakupelelaawo munshingo akumuwaala mulweenge lulaamfu.

“Ino mutooyeeya buyani? Na muntu kaacite mbelele mwaanda, ono yomwi yasoweka, sa inga taashiyi sheesho shili makumi osanwe aone alimwi ashosanwe ashone mutulundu, akuya mukuyandoola yeeyo yasoweka?