Oblíbené biblické verše z Njé gə́ Rɔmə 10

Sdílet

Ɓó lé tai teḛ ari unda ne no̰ Mbaidɔmbaije ləm, gə teḛ gə́ Ala teḛ səa dan njé gə́ d’wəi’g lé i taa gə məəi ndá i a kaji ne ya.

Mbata meekun gə́ gəd ɓa dəw a to ne njemeekarabasur ləm, ta meekun neelé gə́ teḛ təa’g lé yeḛ a kiŋga ne kaji ləm tɔ gə goo ta gə́ to maktub gə́ to gə kəmee lé pana

Togə́bè ɓa korè mbi dɔ ta’g ɓa gə́ kuma̰ kar dəw un ne mée ləm, kɔr goo ta lə Kristi ɓa gə́ kuma̰ kar dəw orè ne mbia dɔ’g lé ləm tɔ.

Nana ɓa gə́ ɔm mée dəa’g ndá a ra kəmkul el. Jib gə Grek to gə́ ɓəd-ɓəd el mbata Mbaidɔmbaije lə dee to gə́ kára ba kiao. Yeḛ lé to bao-noji mbata lə deḛ lai gə́ to njeɓar riaje lé. Mbata nana ɓa gə́ a ɓar ri Mbaidɔmbaije ndá a kaji ne ya.

Ɓó lé d’a kɔr dəw gə mba karee ula dee taree el ndá see dəw a kula dee wa. To gə goo ta gə́ deḛ ndaŋg mee maktub gə́ to gə kəmee lé pana: Deḛ gə́ njékaw kula mar deeje ta gə́ maji lé gɔl dee to njam-njam.

Ɓó lé deḛ d’ɔm meḛ dee dəa’g el ndá see d’a ɓar ria to gə́ banwa. Ɓó lé deḛ d’oo ta ləa el ndá see d’a kɔm meḛ dee dəa’g loo gə́ ra wa. Ɓó lé njekɔrgoota neelé kar dee godo ndá see d’a koo ta ləa loo gə́ ra wa.

Kristi ɓa gə́ rudu godndu mba kɔr ne ta dɔ deḛ gə́ d’ɔm meḛ dee dəa’g ya.