Oblíbené biblické verše z San Marcos 4

Sdílet

Jesúsña tanterrapaꞌ eꞌñe poꞌñoñotha aꞌmtsoññetwerran womenkëshaꞌ. Ñamha poꞌñoñotha aꞌmtsoñeñterran saꞌp ñeñth emoꞌyartetsa, ñeñthpaꞌ ateth ot: —¡Moechecherrepaꞌ, moetsoñeñterrepaꞌ! Eꞌñe otweꞌpaꞌ xha moechecherrtsaña womenkëshaꞌ. Atthoña ñetpaꞌ oꞌ alla moechethtamperret eꞌñe kowen. Allempoña Jesúspaꞌ ateth otanet: —Sapaꞌ esoꞌmareꞌtña xha atarr seyoren. Esoꞌmareꞌtña ama eꞌñeyeꞌ seyemtenno.

Ñetñapaꞌ xha atarr nanak yorenet, ateth otannaꞌtyeset: —Taꞌmkaꞌye añ acheñerpaꞌ esonaꞌtartheꞌkaꞌye. Atarrepaꞌt es aꞌmchechaten, amaꞌt poꞌñoñothapaꞌ aꞌmchechaterran womenkëshaꞌ amaꞌt ñamha emoꞌyareꞌ oñ.

Jesúsñapaꞌ alla moen poepopato alla ñotena. Poeyochreshaꞌña opoeretpaꞌ ateth ochet: —¡Maestro, amawakaꞌye pellkënyotheꞌ oꞌrramcheꞌ yokllaꞌwamocha!

Jesúspaꞌ alla oterraneterr: —Sapaꞌ señotenatheꞌ eꞌñetheꞌ poꞌñoxh kowen seꞌmhñoteññañ Yompor poꞌñoñ ñatoꞌpaꞌ amatheꞌ. Tharroꞌmar ñerraꞌm erroth sephoñ poꞌpsheñeñ ñeñth ama kowenayaye Yomporñapaꞌ atthekmach perres samha. Ñamha ñerraꞌm eꞌñe kowen sepenanet, Yomporñapaꞌ eꞌñech kowen perres samha amaꞌt elloneth oꞌch apoerres ñeñth eꞌñe kowen.

Jesúspaꞌ alla tomaꞌntaterraneterr, ñeñthpaꞌ ateth oterraneterr: —Yompor poꞌkowenña ñeñth attho ayochreshathtena ña, ñeñthpaꞌ ateth pena ñerraꞌmrratheꞌ poesheñarr acheñ ñeñth nareꞌteneꞌ poepoer. Oꞌchña nareꞌtwepaꞌ oꞌch awerr paꞌpakllo. Allach allponmaterraꞌ oꞌch tsapoenpaꞌ allach moeneꞌth, yethoñapaꞌ xhokmach tantaꞌmoeneꞌth, poepoerñapaꞌ attheñapaꞌ oꞌch chepwa oꞌch ateshaꞌta. Pamoꞌmteꞌñapaꞌ amach eꞌñeyeꞌ eñoteñe errothenoththeꞌña chepyen.

Ñeñthes poꞌñoxh neꞌmhñoteneꞌ xhaponasepaꞌch seyoxhro ñeñth ateth netmaꞌntatensa añ ñoñets.