Oblíbené biblické verše z Mr 5

Sdílet

Yuj cha, xyaln 'a 'ix 'ixtic: —Ach 'ix, ach b'oxi yujto xa'ch a c'ojl 'ayin, paxn̈ 'a tzaljc'ojlal, tic 'ix b'ox a c'ojl 'a jun a yailal tic, xchi 'a 'ix.

Palta 'ay jun 'ix, 'ayx slajchwil ab'il xo caw tzcham 'ix yuj a a tz'el 'a 'a. Til wal eb' 'a'm remel 'ix sc'anlb'ej cob' 'ix. Jantcn̈ej tas 'ay 'a 'ix, c'uxn schon̈l 'ix yuj sremel cha. Palta ma'ix b'ox xon jac sc'ojl 'ix yu'uj, ton̈j 'ix wach' niwtj syailal 'ix cha.

Yajn̈j wal cha, 'ix 'och wan yel jun a chi 'a 'ix, 'ix b'ox sc'ojl 'ix 'a jun syailal cha.

'Ix 'och yamn 'a sc'ab' 'ix 'unn cha, xyaln 'ixtc 'a 'ix: —Talita cumi, xchi. Tzyal 'el'chi: Ach 'ix 'unin, an tzwal 'ayach, q'uen̈ wa'an, xchi.

Yic wanto yaln Jesús jun tzo'n̈ cha, 'ay jun tzo'n̈ eb' xcot 'a yatut win Jairo cha, 'ix yaln eb' 'a win 'ixtic: —A jun esl cha, tox 'ix chami, nab'a xoj tz'at yixtc sb'a qui Cuymal 'at yilnoc, xchi eb' 'a winac. Palta yic 'ix yab'n Jesús tas 'ix yal eb' cha, 'ix yaln 'ixtc 'a winac: —Man̈ a na', cojn to tza'ch a c'ojl 'a Dios, xchi.

Yuj cha, xyaln Jesús 'ixtic: —Ach demonio 'eln̈ 'a winac, xchi. Xlajw cha, caw xq'ue yaw win yaln 'ixtic: —¿Tas aln ec 'ayn ach Jesús? Ach tic, Yunnal ach Dios niwn yel'chi. Tzin tew 'aych 'a sat Dios, man̈ in extoc, xchi winac. Xlajw cha, 'ix sc'anb'n pax Jesús 'ixtc 'a winac: —¿Tas a b'i? xchi. —Legión in b'i, yujto niwn qui b'ey on̈, xchi winac.