Oblíbené biblické verše z Mr 13

Sdílet

'Oj chichnc 'och smasnil 'anma 'ayex, yujto 'aych e nab'en 'ayin, palta a eb' 'oj 'a'nc techjoc masnto tzchami, atn eb' chi 'oj colchjoc.

Yuj cha, caw lista tzeyutj e b'a, macwjan̈ec, leslwan̈ec, yujto man̈ eyojcoc b'a'n̈ 'oj jawc stiempoal jun cha.

'Oj eyijx 'at 'a yojltac ewin yajal, palta caw matz e na yuj tas 'oj eyala'. Caw matz ex 'och 'il. A jun tzo'n̈ paxti 'oj 'ajxoc 'ayx yuj Yespíritu Dios 'a jun rato cha, a tzeyala. Yujto man̈oc ex 'oj e paxtini, palta a Yespíritu Dios 'oj paxtinoc.

'Oj lajwc 'ec' satcha'an̈ yet' yolyib'n̈q'uinl tic, palta ax in paxti', may b'a'n̈ 'oj lajwc 'eq'ui.

Palta may mach 'ojtnac, 'aja c'u, jantc yorail 'oj in jawi. A eb' ángel 'ay 'a satcha'an̈, man̈ yojcoc eb'. An xo tic yunnaln Dios, palta man̈ wojcoc paxi. Cojxn Dios Mamb'il a 'ojtnac.

'Oj eyab' yoch jun tzo'n̈ niwc owal. Ax eyab'n speclal jun tzo'n̈ xo 'ijn 'oj 'ochoc. Man̈ ex xiwoc, yujto yowlal 'ixta 'oj 'ajoc. Palta mantoc slajb' cha.

Ax eb' smoso win cha, man̈ yojcoc eb' b'a'n̈ 'oj jawc pax win 'ajn̈a chi 'a yatut, tom sq'uic'b'alil mto chim'ac'wal, mto sutmj'ac'wal, mto yic wan sacb'i. 'Icha win 'ajn̈a cha, 'ixta 'in, man̈ eyojcoc, b'a'n̈ 'oj in japx 'a scha'ejmal. Yuj cha, caw lista tzeyutj e b'a, sec wach' man̈toc 'icha to waync ex, ax in jaw tza'njoc. A jun tzo'n̈ tzwal 'ayx tic, tzwal pax 'a eb' 'anma smasnil, caw listan̈ej tzeyutj e b'a, xchi Jesús.

Yujto 'ay jun tzo'n̈ niwc chon̈b' 'oj yac' owl yet' yit niwc chon̈b'al, ax ya'n owl sb'a eb' yajl yet' eb' yit yajlil. Til wal 'aj 'oj 'ec' quixcab'. 'Oj jawc niwc wejl 'a yib'n̈ eb' 'anma'. A jun tzo'n̈ yailal cha, ton̈j tzb'ab'lj cani, 'ayt wal jun tzo'n̈ xo yel xo tu 'oj jawoc.

A yic mantzac jaw jun slajb' c'ual, yowlal 'oj b'ab'l alxc 'el jun 'ab'x yic colnb'il 'a junjn chon̈ab'.

Yujto til wal mach 'oj jawoc, ax yesn 'el eb' in b'i. An ton tic Cristo in, 'oj schic cob' eb'. Til wal 'anma 'oj yixtc paxti eb'.

Palta ax tic, caw lista tzeyutj e b'a, yujto 'oj eyajx 'och 'a yol sc'ab' eb' yajal. 'Oj e ma'x 'a yol capiya. 'Oj ex yi't eb' 'a yojltac ewin yajal, yet' 'a yojltac ewin rey, yujto 'aych e nab'en 'ayin. 'Ixta 'oj eyaji, sec 'oj stac' eyaln 'el wab'xil 'a ewinac.

Yujto 'ay eb' 'oj pitzwc cha'an̈, ax cob' yaln 'och sb'a eb' Cristoal. 'Ay pax eb' 'oj cob' yalch sb'a schecb'oc Dios, 'oj cob' sch'ox eb' jun tzo'n̈ senya, yet' jun tzo'n̈ milagro, sec tzsomchj 'el eb' 'anma yuj eb'. 'Oj ya'lc eb' ya'n somchjoc pax 'el eb' sic'b'il 'el yuj Dios, toto 'oj stac' yuj eb'.

Palta a 'a jun tiempoal cha, yic tox 'oj lajwc 'ec' jun niwn yailal cha, 'oj 'och q'uic'q'uinl 'a c'u, ax stup yoc 'uj. Ax jun tzo'n̈ c'anal, 'oj 'emtoc 'a satcha'an̈. Yet' jun tzo'n̈ 'ay spoder 'a satcha'an̈, 'oj tzicb'tan̈xoc eb'.