Oblíbené biblické verše z Mt 24

Sdílet

Caw 'oj niwtjoc maysch'olnilal, yuj cha, man̈x 'oj laj schamc'ojloc sb'a eb' 'anma'. Palta a mach caw te'n tzyutj sb'a masnto 'a slajub', atn eb' chi 'oj colchjoc.

Ax jun wach' 'ab'ix, a tzalni chajtl tz'aj eb' 'anma yoch 'a yol sc'ab' Dios, yowlal 'oj alxc 'el 'a smasnil yolyib'n̈q'uinl tic, sec 'oj laj yab' eb' 'a junjn chon̈b'al. 'Ixta to b'i'an ax sjaw jun slajb' cha.

'Oj eyab' yoch jun tzo'n̈ niwc owal, ax eyab'n speclal jun tzon̈ xo 'ijn 'oj 'ochoc. Palta man̈ ex xiwoc, yujto yowlal 'ixta 'oj 'ajoc, palta mantoc a slajb' cha.

'Ay jun tzo'n̈ niwc chon̈b' 'oj yac' owl sb'a yet' yit niwc chon̈b'al; ax ya'n owl sb'a eb' yajl yet' eb' yit yajlil. Til wal 'aj 'oj yamchjc eb' 'anma yuj yab'il, 'oj jawc pax wejl 'a yib'n̈ eb'. Til wal 'aj 'oj 'ec' pax quixcab'. A jun tzo'n̈ yailal cha, ton̈j tzb'ab'lj cani, 'ayt wal jun tzo'n̈ xo yel xo tu 'oj jawoc.

'Oj lajwc 'ec' satcha'an̈ yet' yolyib'n̈q'uinl tic, ax in paxti', may b'a'n̈ 'oj lajwc 'eq'ui.

Yujto til wal mach 'oj' 'esnc 'el in b'i, ax yaln eb' 'ixtic: An ton tic Cristo in, 'oj schic cob' eb'. Til wal 'anma 'oj yixtc paxti eb'.

Ax tic, 'oj eyajx 'och 'a yol sc'ab' eb' yajal, sec 'oj eyab' syal yuj eb', 'oj laj ex smil cham eb'. Smasnil 'anma 'oj laj chichnc 'och 'ayx wu'uj. A 'a jun tiempoal cha, til wal mach 'oj meltzjoc pax 'a spatic, 'oj chichnc 'och eb' 'a eb' yitb'eym xon cha. Caw 'oj ya'ch eb' chaml 'a yib'n̈ eb'. Til wal mach 'oj pitzwc cha'an̈, ax cob' yalnc 'och sb'a eb' schecb'oc Dios, til wal mach 'oj yixtc paxti eb'.

Yuj cha, xyaln pax 'a eb' 'ixtic: —Caw tzeyil wal e b'a, sec may junc mach 'oj eyixtn paxti'.

Yuj cha, an̈jtona 'ex, caw lista tzeyutj e b'a, yujto a yic tze na'a to matz in jawi, lemb'il ata 'oj in jawi.

Yuj cha, caw lista tzeyutj e b'a, yujto man̈ eyojcoc jantc yorail 'oj in jaw an Yajl in tic.

Palta may mach 'ojtnac, 'aja c'u, jantc yorail 'oj in jawi. An̈jtona eb' ángel 'ay 'a satcha'an̈, man̈ yojcoc eb'. An xo tic, yunnaln Dios, palta man̈ wojcoc paxi, cojxn Dios Mamb'il a 'ojtnac.

Yujto 'oj pitzwc chan̈ jun tzo'n̈ eb' 'oj cob' yalch sb'a Cristoal, yet' eb' 'oj cob' yalch sb'a schecb'oc Dios. 'Oj sch'ox eb' jun tzo'n̈ milagro senyaoc, sec 'oj 'ixtxoc paxti eb' 'anma yuj eb'. 'Oj ya'lc pax eb' yixtn paxti eb' sic'b'il 'el yuj Dios, palta ma'oj stac' yuj eb'.

'Icha jun tiempoal yic yec' win Noé, 'ixta 'oj 'aj jun tiempoal yic 'oj in jaw an 'Ochnc in 'Anmal tic. Yujto a yic mantzac jaw jun owl yaxn̈ab' cha, may tas tzna eb' 'anma', ton̈j wanc eb', laj yu'n eb' tas, laj yi'lan sb'a eb', laj ya'nc 'och eb' yisl yistloc eb' winac. 'Ixta yutjnac sb'a eb', masnto yic jun c'u yic yoch win Noé 'a yojl te barco. Palta ma'ix nachj 'el xon jac yuj eb', masnto xjaw jun yaxn̈ab' cha, ata xcham eb' smasnil. 'Icha 'ajnc eb' 'a jun tiempoal cha, 'ixta 'oj 'aj eb' 'anma', yic 'oj in jaw tza'njoc.