Oblíbené biblické verše z Mt 23

Sdílet

Tzann̈j mach tzya'ch sb'a mosoal 'a e cal, a jun cha, yel xo niwn yel'chi.

Tzann̈j eb' tzyij chan̈ sb'a, 'oj 'ijxoc 'ejm eb', ax eb' tzyij 'ejm sb'a, 'oj 'ijxoc chan̈ eb'.

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Cob' tzeyac' sdiesmoal jun tzo'n̈ te 'alwena, jun tzo'n̈ te 'anix, yet' jun tzo'n̈ te comino. Palta ax jun tzo'n̈ schecnb'il Dios niwn yel'chi, matz eyiclej. A jun tzo'n̈ checnb'il chi tzalni, to yowlal tojl tzcutjec qui b'a, tz'o'ch qui c'ojlec 'a eb' quit 'anma'il, tzca'nec 'och pax qui c'ojl 'a Dios. Palta 'in may yel'ch jun tzo'n̈ tic 'a e sat. Octom tzeyiclj jun tzo'n̈ tic, tze b'on pax jun tzo'n̈ xo cha.

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Tzcob' e b'icl spatquil e vaso yet' spatquil eyuc'ab', palta ax 'a yojol, b'ut'n yet' jun tzo'n̈ tas tzeyelc'j yet' e maysch'olnilal.

Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.

'Ixta 'ex paxi, yujto a 'a sat eb' 'anma', wach' cob' tzeyutj e b'a, palta ax e nab'en, caw maysch'olnil yuj e chab'satil.