Oblíbené biblické verše z Ibru 5

Sdílet

Ba yoba ta gak kebra mere moglkre, yoba kade mere yegl meglkwa i, mie gigle dugwa nenaiglkwa kuno erukwa. Ye ege mere mabuno wakai ya mabuno kide kan yubu sigwa pre ye nomano mina pre pogl sigwa.

I siragl pre ene okna kana pre medigl, ede suna wigwa pre ene mudu God kamo tisa moraiglkwa kuno erukwa. Ba ene tisa moglkre, gak kuglabu kaya mokna nekre, am keme neigwa i, meglmere yegl meglkwa. Yegl moglsre, God kamo bage tau nogugl kaima paugwa i, yoba ta kor dagl beke tebi, ene praiglkwa mere yegl paugwa. Ana yoba ta gak kuglabu mere yegl moglsre, am ne meglkwa i, ye mabuno du siragl mere paugwa i kan yubu sidre, eraiglkwa i, kuno ta erekrukwa.

Jisas ye God Wam moglkwa ba ye giugl yubun yumara i, yoba giugl prisre, God kamo duglo beglmere ye ama beke i kodugwa. Ye kuno ere beke yugwa pre God ye nono tawa teigwa bitno yagle morabedi padiglsre, Ene Melkisedek okna tawa togwa moglmere mere moratne dugwa. Yegl pre yoba ta Jisas duglo beglkwa i, ye tawa teigwa bitno yoba moglsre, aimadi kamin wakai kaima moraiglmedi ake ple di norukwa.

Ana Jisas makandigle wan moglkwa igne, ye God swara na ere inan, na goglkre, kor moraglka pamedi prisre, God kamage ere togwa. Jisas ka podo didre, kai ere, God agle di pruko, Jisas mogl atne edidre, kana duglo boglmedi kan, God ye ake ple di togwa.