Oblíbené biblické verše z Yokaana 15

Sdílet

OYesu ni yeeyongera nʼakoba ati, “Ninje kisurula kya muzabbibbu, nywe muli mataagi. Oyo abba omu nje njeena ni mba omu ye, alyera ebyana bingi. Nje nintabba mu nywe, ndoowo kyemusobola kukola.

Mubbe omu nje, njeena mbe omu nywe. Ndoowo itaagi erisobola okwera ebyana ryonkai, riteekerwe kubba ku muzabbibbu. Nywena timusobola kwera byana okwiyaku nga muli mu nje.”

Nimusigala omu nje nʼebigambo byange ni bisigala omu nywe, musabenge buli kyemukwendya era kiribaweebwa.

OYesu ni yeeyongera nʼakoba ati, “Ti niinywe mwankomerye, baitu ninje nabakomerye leke mwabe mwere ebyana, ebyana ebitaakuwangawo. Obwo oIte wange alibaweerya buli kyemwakusabanga omwibara ryange.

Ndoowo ata nʼokwendya okusinga okwʼoyo aweeryayo obwomi bwamwe oku lwʼabanywani baamwe.

Atema buli itaagi eriri oku nje eriteera byana, baitu amataagi ageera ebyana, agasaara leke geere muno.

Ekiragiro kyange nikyo kini: Mwendyenganenge nka ni mbenderye nywe.

OIte wange aweebwa ekitiinisya nimwera ebyana ebingi era omu ngeri eyo mubba beegesebwa bange.

Awo oYesu nʼakoba abeegesebwa baamwe ati, “Ninje kisurula kya muzabbibbu ogwenyenere, oIte wange niye mulumi.

Omuntu yeena yeena natabba amwei nanje, aisana eitaagi erisaarwe oku kisurula ni rinagwayo ni riwotoka. Amataagi nkʼago, gaiyibwawo ni ganagwa omu muuro ni goocebwa.

Kini nkibakobere leke okusemeerwa kwange kubbe omu nywe leke musemereerwe kimwei.

Nimukwata ebiragiro byange, mubba musigaire omu kwendya kwange, nka ninakwaite ebiragiro bya Ite wange ni nsigala omu kwendya kwamwe.

Ekiragiro kyange nikyo kini: ‘Mwendyenganenge.’”

Nimwakubbaire ba nsi, ensi yaakubenderye nkʼabantu abaayo oku bwayo. Baitu nywe timuli ba nsi, baitu nabakomerye kuliga omu yo era ensi nikyo ebanobera.