Oblíbené biblické verše z ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 14

Sdílet

ܥܰܠ ܕܺܗ̄ܝ ܡܰܠܟܽܘܬ̥ܳܐ ܕܰܐ‌ܠܳܗܳܐ ܠܰܝ̱ܬ ܝܳܐ ܡܽܐܘܟܠܳܐ ܘܡܰܫ݄ܬܝܳܐ، ܐܶ‌ܠܳܐ ܟܺܐܢܽܘܬ̥ܳܐ ܘ݄ܫܠܳܡܳܐ ܘ݄ܦܨܺܝܚܽܘܬ̥ܳܐ ܒܪܽܘܚܳܐ ܕܩܽܘܕܫܳܐ. ܡܰܢ ܕ݄ܡܫܰܡ݄ܫ ܠ݄ܡܫܺܝܚܳܐ ܒܽܗ̄ܘ ܕܰܪܒܰܢܳܐ، ܟܡܰܦܨ݄ܚ ܠܰܐ‌ܠܳܗܳܐ، ܘܟܳܗ̄ܘܶܐ ܡܝܰܩܪܳܐ ܡܰܗ̄ܢ ܢܳܫ̈ܶܐ.

ܐܶܢ ܕܚܳܝܺܝܢܰܐ ܠܡܳܪܰܢ ܟܚܳܝܺܝܢܰܐ، ܘܶܐܢ ܕܡܰܝܬ̥ܺܝܢܰܐ ܠܡܳܪܰܢ ܟܡܰܝܬ̥ܺܝܢܰܐ. ܗܰܢ ܢܰܩܠܐ ܐܶܢ ܚܰܝ̈ܶܐ ܢܰܐ ܐܰܘ ܡܺܝ̈ܬ̥ܶܐ ܢܰܐ ܠܡܳܪܰܢ ܐܰܚܢܰܐ.

ܘܳܐܥܕܳܐ ܛܪܳܐ ܒܽܗ̄ܘ ܕܰܪܒܳܐ ܕܽܗ̄ܘ ܫܠܳܡܳܐ ܪ݄ܗܛܺܝܢܰܐ، ܘܠܽܗ̄ܘ ܒܶܢܝܳܢܳܐ ܕ݄ܚܕ̥ܳܕ̥̈ܶܐ ܣܰܝܡܺܝܢܰܐ.

ܗ̄ܺܝ ܢܰܩܠܝܳܐ ܠܳܐ ܕܰܝܢܺܝܢܰܐ ܠ݄ܚܕ̥ܳܕ̥̈ܶܐ. ܐܶ‌ܠܳܐ ܗܰܬ̥ܶܐ ܒܽܗ̄ܘ ܙܳܝܽܘܕܳܐ ܕܽܘܢܽܘ: ܠܳܐ ܡܰܚܬܰܬ ܛܶܪܒܰܠܬܳܐ ܠܰܐܚܽܘܢܳܟ̥.

ܐܟ̥ ܕ݄ܟܬ̥ܺܝܒ̥: ”ܚܰܝܳܐ ܐ̱ܢܳܐ، ܟܳܐܡ݄ܪ ܡܳܪܝܳܐ، ܐܶ‌ܠܺܝ ܓܟܰܝܦܳܐ ܟܽܘܠ ܒܰܪܟܳܐ، ܘܶܐ‌ܠܺܝ ܓܡܰܘܕܶܐ ܟܽܘܠ ܠܶܫܳܢܳܐ.“ ܗܰܢ ܢܰܩܠܐ ܟܽܘܠ ܚܰܕ̱ ܡܶܢܰܢ ܡܶܢ̱ ܚܠܳܦ ܪܽܘܚܶܗ ܓܕܳܗ̄ܒܶܐ ܚܫܳܒ̥ܳܐ ܠܰܐ‌ܠܳܗܳܐ.

ܠܰܐܝܢܰܐ ܕܟ݄ܬ ܝܳܐ ܪܰܦܝܳܐ ܒܺܗ̄ܝ ܗܰܝܡܳܢܽܘܬ̥ܳܐ ܗܰܒ̥ܽܘ ܠܶܗ ܐܺܝܕ̥ܳܐ (ܘ݄ܡܥܰܕܶܪܽܘ ܠܶܗ). ܘܠܳܐ ܗ̄ܘܺܝܬܽܘ ܦܠܺܝܓ̥̈ܶܐ ܥܰܠ ܚܕ̥ܳܕ̥̈ܶܐ ܒܰܪّܶܢܝ̈ܰܬ̥ܟ̥ܽܘ

ܗܰܬ ܡܰܢ ܗܰܬ ܕܕܰܝܢܰܬ ܠܽܗ̄ܘ ܓܪܶܝܥܳܐ ܕܠܰܝ̱ܬ ܝܳܐ ܕܺܝܕ̥ܳܟ̥؟ ܕܩܳܝ݄ܡ ܠܽܗ̄ܘ ܡܳܪܰܝܕ̥ܶܗ ܟܩܳܝ݄ܡ، ܘ݄ܕܢܳܦ݄ܠ ܠܽܗ̄ܘ ܡܳܪܰܝܕ̥ܶܗ ܟܢܳܦ݄ܠ. ܘܒ݄ܫܪܳܪܳܐ ܩܝܳܡܳܐ ܓ݄ܕܩܳܝ݄ܡ ܥܰܠ ܕ݄ܟܡܳܛܝܳܐ ܒܺܐܝܕ̥ܶܗ ܕܽܗ̄ܘ ܡܳܪܰܝܕ̥ܶܗ ܕܡܰܩ݄ܡ ܠܶܗ.