Oblíbené biblické verše z ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 1

Sdílet

ܘܳܐܢܳܐ ܠ݄ܐ ܟܡܺܝܢܰܟܰܦ ܐ̱ܢܳܐ ܒܽܗ̄ܘ ܡܓܰܠܝܘ̇ܢ، ܥܰܠ ܕܚܰܝܠܳܐ ܕܰܐ‌ܠܳܗܳܐ ܠܰܚّܰܝ̈ܶܐ ܕܟܽܘܠ ܕ݄ܡܗܰܝܡ݄ܢ ܐܶܒܶܗ: ܐܶܢ ܡܰܢ̱ ܝّܽܘܕ̥̈ܳܝܶܐ ܒܺܗ̄ܝ ܩܰܕ̱ܡܰܝܬܳܐ، ܐܰܘ ܡܰܗ̄ܢ ܐܰܪ̈ܡܳܝܶܐ،

ܥܰܠ ܕܺܗ̄ܝ ܟܺܐܢܽܘܬ̥ܳܐ ܕܰܐ‌ܠܳܗܳܐ ܐܶܒܶܗ (ܒܽܗ̄ܘ ܡܓܰܠܝܘ̇ܢ) ܟܡ݄ܓܠܳܝܳܐ ܡܶܢ̱ ܗܰܝܡܳܢܽܘܬ̥ܳܐ ܠܗܰܝܡܳܢܽܘܬ̥ܳܐ، ܐܟ̥ ܕ݄ܟܬ̥ܺܝܒ̥: ”ܗ̄ܽܘ ܟܺܐܢܳܐ ܡܺܗ̄ܝ ܗܰܝܡܳܢܽܘܬ̥ܳܐ ܟܚܳܝܶܐ.“

ܡܺܐܝܕ̥ܶܗ ܕܡܽܗ̄ܘ ܗܘܳܝܳܐ ܕܽܗ̄ܘ ܥܳܠܡܳܐ ܗ̄ܰܟّܰܣܝ̈ܳܬ̥ܳܐ ܕܰܐ‌ܠܳܗܳܐ ܘܽܗ̄ܘ ܚܰܝܠܰܝܕ̥ܶܗ ܘܺܗ̄ܝ ܐܰ‌ܠܳܗܽܘܬ̥ܰܝܕ̥ܶܗ ܕ݄ܠܥܳܠܰܡ ܟܡ݄ܚܙ݄ܢ ܒܽܗ̄ܘ ܗܰܘܢܳܐ ܠܰܒّܶܪ̈ܝܳܬ̥ܰܝܕ̥ܶܗ، ܠܰܫܰܢ ܕܠܳܐ ܗ̄ܘܰܠّܶܗ ܡܰܦܬܰܚ ܦܶܡܳܐ.

ܥܰܠ ܕܰܐܕ̥ܺܝܥܺܝ ܠܰܐ‌ܠܳܗܳܐ، ܘܠܳܐ ܐܟ̥ ܕܠܰܐ‌ܠܳܗܳܐ ܡܫܰܒܰܚّܶܗ ܘܡܰܘܕܰܠّܰܗ ܠܶܗ. ܐܶܠܳܐ ܐܰܙّ݄ܢ ܒ݄ܬ̥ܪܶܗ ܕ݄ܚܫܳܒ̥̈ܶܐ ܒܰܛܺܝ̈ܠܶܐ، ܘܥܰܬ݄ܡ ܠܶܒܰܝّܶܗ ܕܠܳܐ ܦܳܗ݄ܡ.

ܘ݄ܡܚܰܠܰܦّܶܗ ܗ̄ܽܘ ܫܪܳܪܳܐ ܕܰܐ‌ܠܳܗܳܐ ܒܺܗ̄ܝ ܕܽܘܓܠܳܐ. ܘ݄ܣܓ̥݄ܕّܶܗ ܘ݄ܡܫܰܡܰܫّܶܗ ܠܒܶܪ̈ܝܳܬ̥ܳܐ ܛܰܒ̥ ܡܶܢ̱ ܗ̄ܽܘ ܒܳܪܽܘܝܳܐ ܕ݄ܒܪܰܠّܶܗ، ܐܰ‌ܠܳܗܳܐ، ܕܶܐ‌ܠܶܗ ܬܶܫ݄ܒܚ̈ܳܬ̥ܳܐ ܘܒܽܘܪ̈ܟܳܬ̥ܳܐ ܠܥܳܠܰܡ ܥܳܠܡܺܝܢ. ܐܰܡܺܝܢ.

ܘܽܗ̄ܘ ܪܽܘܓ̥ܙܳܐ ܕܰܐ‌ܠܳܗܳܐ ܟܡ݄ܓܠܶܐ ܡܺܗ̄ܝ ܫܡܰܝܳܐ ܥܰܠ ܗ̄ܺܝ ܚܛܺܝܬ̥ܳܐ ܘܺܗ̄ܝ ܒܺܝܫܬܳܐ ܟܽܘܠܰܗ ܕܰܗ̄ܢ ܢܳܫ̈ܶܐ، ܗܰܢ݄ܟ ܕܟܳܣܳܟ̥ܪܺܝ ܩ݄ܕ̱ܡ ܗ̄ܽܘ ܫܪܳܪܳܐ ܒܺܗ̄ܝ ܚܛܺܝܬ̥ܳܐ،

ܡܰܗ̄ܘܟ̥ܰܐ، ܐܰ‌ܠܳܗܳܐ ܡܰܫܠܡܺܝ ܠܶܗ ܠܰܟّܶܐܒ̥̈ܶܐ ܕܽܗ̄ܘ ܥܰܝܒܳܐ (ܘܕܺܗ̄ܝ ܢ݄ܟܦܽܘܬ̥ܳܐ). ܗ̄ܰܢ ܢܶܫ̈ܰܬّ̥ܶܗ ܡܚܰܠܰܦّܶܗ ܗ̄ܽܘ ܥܒ̥ܳܕ̥ܳܐ ܕܽܗ̄ܘ ܟܝܳܢܰܬّ̥ܶܗ، ܘܒܽܗ̄ܘ ܡܶܕܶܐ ܕܠܳܐ ܟܳܗ̄ܘܶܐ ܣ݄ܡّܶܗ. ܘܗܰܘܟ̥ܰܐ ܣܬܶܝ ܗ̄ܰܓّܰܒ̥ܪ̈ܰܬّ̥ܶܗ، ܛܪܰܠّܶܗ ܗ̄ܽܘ ܥܒ̥ܳܕ̥ܳܐ ܕܽܗ̄ܘ ܟܝܳܢܳܐ ܕܥܰܡ ܗ̄ܰܢ ܢܶܫ̈ܶܐ، ܘ݄ܙܢܰܠّܶܗ ܚܰܕ̱ ܥܰܡ ܚܰܕ̱، ܓܰܒ̥ܪܳܐ ܥܰܡ ܓܰܒ̥ܪܳܐ، ܢ݄ܟܦܽܘܬ̥ܳܐ ܪܰܒܬ̥ܳܐ ܣ݄ܡّܶܗ. ܘܽܗ̄ܘ ܐܰܓ̥ܪܳܐ ܕܫܳܘܶܐ ܗ̄ܘܰܐ ܠܺܗ̄ܝ ܛܳܥܝܽܘܬ̥ܰܬّ̥ܶܗ ܒܪܽܘܚܰܝّܶܗ ܡܰܩܒܰܠّܶܗ. ܘ݄ܐܟ̥ ܕܠܰܐ ܐܒܺܝܥܺܝ ܕܳܐܕ̥ܥܺܝ ܒܪܽܘܚܰܝّܶܗ ܠܰܐ‌ܠܳܗܳܐ، ܐܰ‌ܠܳܗܳܐ ܡܰܫܠܡܺܝ ܠܶܗ ܠܡܰܕ̥ܥܳܐ ܒܰܛܺܝܠܳܐ ܕܣܰܝܡܺܝ ܗ̄ܽܘ ܡܶܕܶܐ ܕܠ݄ܐ ܟܳܗ̄ܘܶܐ ܕܡܺܝܣ݄ܡ.

ܘ݄ܟܚܳܫܒ̥ܺܝ ܪܽܘܚܰܝّܶܗ ܕܚܰܟܺܝܡ̈ܶܐ ܢܶܝ، ܗܰܘ݄ܢ ܣܰܟ̈ܠܶܐ. ܘ݄ܡܚܰܠܰܦّܶܗ ܗ̄ܽܘ ܫܽܘܒܚܳܐ ܕܰܐ‌ܠܳܗܳܐ ܕܠ݄ܐ ܟܚܳܪܽܒ̥ ܒܨܽܘܪܬܳܐ ܕܒܰܪܢܳܫܳܐ ܕ݄ܟܚܳܪܽܒ̥، ܘ݄ܒܨܽܘܪܬܳܐ ܕܰܛّܰܝܪ̈ܶܐ، ܘܕܰܗ̄ܢ ܐܰܪܒܰܥ ܪ̈ܰܓ̥ܠܶܐ، ܘܕܰܪّܰܚܫ̈ܳܐ ܕܺܗ̄ܝ ܐܰܪܥܳܐ.