Oblíbené biblické verše z ܡܓܰܠܝܘܢ ܕܠܘܩܐ 6

Sdílet

ܗܰܒ̥ܽܘ ܘܡܺܝܬܰܗܒ̥ܰܠܟ̥ܽܘ: ܟܰܝܠܳܐ ܛܳܒ̥ܳܐ ܘܡܰܠܝܳܐ ܘܡܪܰܒܨܳܐ ܘ݄ܡܥܰܪܡܳܐ ܓܡܺܝܬܰܚ݄ܬ ܒܣܶܦܰܝܟ̥ܽܘ، ܡܺܐܝܕ̥ܶܗ ܕܒܽܗ̄ܘ ܟܰܝܠܳܐ ܕܡܰܟܺܝܠܺܝܬܽܘ ܓܡܺܝܬܰܟ݄ܠ ܐܰ‌ܠܟ̥ܽܘ.“

ܗ̄ܽܘ ܓܰܒ̥ܪܳܐ ܛܳܒ̥ܳܐ ܡܰܢ̱ ܣّܺܝܡ̈ܳܬ̥ܳܐ ܗ̄ܰܛّܳܒ̥̈ܶܐ ܕ݄ܒܠܶܒܶܗ ܟܡܰܘܦ݄ܩ ܛܳܒ̥̈ܳܬ̥ܳܐ، ܘܽܗ̄ܘ ܓܰܒ̥ܪܳܐ ܒܺܝܫܳܐ ܡܰܢ̱ ܣّܺܝܡ̈ܳܬ̥ܳܐ ܗ̄ܰܒّܺܝܫ̈ܶܐ ܕ݄ܒܠܶܒܶܗ ܟܡܰܘܦ݄ܩ ܒܺܝܫ̈ܳܬ̥ܳܐ. ܡܺܐܝܕ̥ܶܗ ܕܡܰܢ̱ ܦّܰܪ̈ܕܽܘܢܶܐ ܕܽܗ̄ܘ ܠܶܒܳܐ ܟ݄ܡܬܰܢ݄ܢ ܗ̄ܰܣّܶܦ̈̊ܘܳܬ̥ܳܐ.

ܐܶ‌ܠܳܐ ܗܰܬܽܘ ܪܚܰܡܽܘ ܠܰܒܥܶܠܕܒܳܒ̈ܰܬ̥ܟ̥ܽܘ، ܣܽܘܡܽܘ ܛܳܒ̥ܽܘܬ̥ܳܐ ܐܰܥܡܰܝّܶܗ، ܘܗܰܒ̥ܽܘ ܕܰܝܢܳܐ ܘܠܳܐ ܩ݄ܛܥܺܝܬܽܘ ܣܰܒܪܳܐ ܕܢܳܫܳܐ، ܘ݄ܓܕܳܗ̄ܘܶܐ ܗ̄ܽܘ ܐܰܓ̥ܪܰܬ̥ܟ̥ܽܘ ܪܰܒܳܐ، ܘ݄ܓܕܳܗ̄ܘܺܝܬܽܘ ܐܰܒܢ̈ܶܐ ܕܽܗ̄ܘ ܥܶܠܳܝܳܐ، ܕܟ݄ܬ ܝܳܐ ܒܰܣܺܝܡܳܐ ܥܰܡ ܗ̄ܰܒّܺܝܫ̈ܶܐ ܘܥܰܡ ܗ̄ܰܟّܳܦܽܘܪ̈ܶܐ.

ܗܰܢ ܢܰܩܠܐ ܗܘܰܝܽܘ ܡܪ̈ܰܚܡܳܢܶܐ ܐܟ̥ ܕܟ݄ܬ ܝܳܐ ܗ̄ܽܘ ܒܰܒܰܬ̥ܟ̥ܽܘ ܣܬܶܝ ܡܪܰܚܡܳܢܳܐ.

”ܠܳܐ ܕܰܝܢܺܝܬܽܘ ܕܠܳܐ ܡܺܝܕܳܢܺܝܬܽܘ. ܠܳܐ ܚ݄ܟܡܺܝܬܽܘ ܕܠܳܐ ܡ݄ܚܟܳܡܺܝܬܽܘ، ܡܦܰܚܶܠܽܘ ܘ݄ܓܡܺܝܦܰܚܠܺܝܬܽܘ.

ܘܰܐ‌ܠܟ̥ܽܘ ܣܬܶܝ ܟܳܐܡܰܪ ܐ̱ܢܳܐ، ܗܰܬܽܘ ܕܟܳܫܳܡܥܺܝܬܽܘ: ”ܪܚܰܡܽܘ ܠܰܒܥܶܠܕܒܳܒ̈ܰܬ̥ܟ̥ܽܘ، ܘܣܽܘܡܽܘ ܛܳܒ̥ܽܘܬ̥ܳܐ ܠܰܐܝܢܰܐ ܕܟܳܡܥܰܢܬܺܝ ܡܶܢܟ̥ܽܘ. ܘ݄ܡܒܰܪܶܟ̥ܽܘ ܠܰܐܝܢܰܐ ܕܠܰܝܛ݄ܢܟ̥ܽܘ، ܘ݄ܡܨܰܠܰܝܽܘ ܥܰܠ ܗܰܢ݄ܟ ܕܡܰܘܒܠ݄ܢܟ̥ܽܘ ܒܽܗ̄ܘ ܚܰܝܠܳܐ.

ܘܒܶܗ ܐܰܝܕܰܪܒܳܐ ܟ݄ܐܒܥܺܝܬܽܘ ܠܰܗ̄ܢ ܢܳܫ̈ܶܐ ܕܣܰܝܡܺܝ ܐܰܥܡܰܝܟ̥ܽܘ، ܗܰܘܟ̥ܰܐ ܣܬܶܝ ܗܰܬܽܘ ܣܽܘܡܽܘ ܐܰܥܡܰܝّܶܗ.

ܘܠ݄ܕܡܳܚܶܐ ܠܳܟ̥ ܥܰܠ ܦܳܬ̥ܳܟ̥، ܡܰܕܥܰܪ ܠܶܗ ܗ̄ܺܝ ܚܪܶܬܳܐ. ܘܡܰܢ ܕܫܳܩ݄ܠ ܗ̄ܽܘ ܠܒܽܘܫܰܝܕ̥ܳܟ̥، ܛܪܰܝ ܠܶܗ ܗ̄ܺܝ ܩܶܡ݄ܣܬܰܝܕ̥ܳܟ̥ ܣܬܶܝ. ܘܽܗ̄ܘ ܡܶܕܶܐ ܕܳܐܒ݄ܥ ܡܶܢܳܟ̥، ܗܰܒ̥ ܠܶܗ، ܘܡܰܢ ܕܫܳܩ݄ܠ ܕܕܺܝܕ̥ܳܟ̥، ܠ݄ܐ ܐܒܥܰܬ ܠܶܗ ܡܶܢܶܗ.

”ܠܰܝܬ ܐܺܝܠܳܢܳܐ ܛܳܒ̥ܳܐ ܕܣܳܝ݄ܡ ܦܺܐܪ̈ܶܐ ܒܺܝܫ̈ܶܐ، ܘܠܳܐ ܐܺܝܠܳܢܳܐ ܒܺܝܫܳܐ ܕܣܳܝ݄ܡ ܦܺܐܪ̈ܶܐ ܛܳܒ̥̈ܶܐ.

ܡܺܐܝܕ̥ܶܗ ܕܟܽܘܠ ܐܺܝܠܳܢܳܐ ܡܰܢ̱ ܦّܺܐܪ̈ܰܝܕ̥ܶܗ ܟܡܺܝܕ̥݄ܥ، ܥܰܠ ܕܠ݄ܐ ܟܠܳܩܛܺܝ ܬܶܐܢ̈ܶܐ ܡܰܢ̱ ܟّܽܘܒ̈ܶܐ، ܘܠ݄ܐ ܟܩ݄ܛܦܺܝ ܥ݄ܢܒ̥̈ܶܐ ܡܽܗ̄ܘ ܣܰܠܽܘܢܳܐ.