Oblíbené biblické verše z ܡܓܰܠܝܘܢ ܕܠܘܩܐ 14

Sdílet

”ܡܰܢ ܕܳܐܬ̥ܶܐ ܠܓܰܒܺܝ ܘܠܳܐ ܡܥܰܢܰܬ ܡܽܗ̄ܘ ܒܰܒܰܝܕ̥ܶܗ ܘܡܺܗ̄ܝ ܐܶܡܰܝܕ̥ܶܗ، ܘܡܰܗ̄ܢ ܐܰܚ̈ܽܘܢܳܢܰܝܕ̥ܶܗ ܘܡܰܗ̄ܢ ܐܰܚ̈ܘܳܬ̥ܰܝܕ̥ܶܗ، ܘܡܺܗ̄ܝ ܐܰܢ̱ܬ̥ܬܰܝܕ̥ܶܗ ܘܡܰܗ̄ܢ ܐܰܒܢ̈ܰܝܕ̥ܶܗ، ܘܡܺܗ̄ܝ ܢܰܦܫܰܝܕ̥ܶܗ ܣܬܶܝ، ܬܰܠܡܺܝܕ̥ܳܐ ܠܰܝܒܶܗ ܕܗܳܘܶܐ ܠܺܝ.

ܘܡܰܢ ܕܠܳܐ ܫܳܩ݄ܠ ܗ̄ܽܘ ܨܠܺܝܒܰܝܕ̥ܶܗ ܘܳܐܬ̥ܶܐ ܒ݄ܬ̥ܪܺܝ، ܬܰܠܡܺܝܕ̥ܳܐ ܠܰܝܒܶܗ ܕܗܳܘܶܐ ܠܺܝ.

ܡܺܐܝܕ̥ܶܗ ܕܟܽܘܠ ܕܡܰܘܪܽܒ̥ ܪܽܘܚܶܗ ܓܡܺܝܬܰܢܚ݄ܬ، ܘܟܽܘܠ ܕܡܰܢܚ݄ܬ ܪܽܘܚܶܗ ܟܝܳܪܽܒ̥.“

ܗܰܘܟ̥ܰܐ ܟܽܘܠ ܢܳܫܳܐ ܡ݄ܢܟ̥ܽܘ ܕܠܳܐ ܛܳܪܶܐ ܗ̄ܽܘ ܡܳܠܰܝܕ̥ܶܗ ܟܽܘܠܶܗ ܠܰܝܒܶܗ ܗܳܘܶܐ ܠܺܝ ܬܰܠܡܺܝܕ̥ܳܐ.

ܡܺܐܝܕ̥ܶܗ ܕܡܰܢܝܳܐ ܡ݄ܢܟ̥ܽܘ ܕܳܐܒ݄ܥ ܕܒܳܢܶܐ ܡܰܓ̥ܕܠܳܐ، ܘܠܳܐ ܒܺܗ̄ܝ ܩܰܕ̱ܡܰܝܬܳܐ ܟܝܳܬܽܒ̥ ܟܚܳܫܽܒ̥ ܡ݄ܩܰܐ ܟ݄ܐܙّܶܗ ܐܰܥܠܶܗ ܘܚܳܙܶܐ ܐܶܢ ܟ݄ܬ ܠܶܗ ܕܡܰܬ݄ܡ ܠܶܗ؟ ܕܠܳܐ ܒ݄ܬ̥݄ܪ ܕܡܰܚ݄ܬ ܗ̄ܺܝ ܫܶܬܶܐܣܬܳܐ ܘܠ݄ܐ ܩܳܕ݄ܪ ܡܰܬ݄ܡ ܠܶܗ، ܟܽܘܠ ܕܚܳܙ݄ܢ ܠܶܗ ܓܓܳܚܟ̥ܺܝ ܐܰܥܠܶܗ، ܘ݄ܓܕ݄ܐܡّܺܪ̱ܝ: ܗ̄ܽܘ ܓܰܒ̥ܪܰܢܳܐ ܡܫܰܪܶܐ ܠܶܗ ܕܒܳܢܶܐ ܘܠܳܐ ܩܰܕ݄ܪ ܕܡܰܬ݄ܡ ܠܶܗ.

ܐܶ‌ܠܳܐ ܗ̄ܺܝ ܢܰܩܠܐ ܕܣܰܝܡܰܬ ܩܪܰܝܬܳܐ ܠܽܗ̄ܘ ܡܽܐܘܟܠܳܐ، ܩܪܰܝ ܠܰܡّܶܣܟܶܢ̈ܶܐ ܘܠܰܗ̄ܢ ܢܰܦܺܝ̈ܠܶܐ ܘܠܰܚܓ̥ܺܝܪ̈ܶܐ ܘܠܰܣّܰܡܝ̈ܶܐ. ܘܛܽܘܒܳܐ ܐܶ‌ܠܳܟ̥ ܥܰܠ ܕܠܰܝ̱ܬّܶܗ ܡܶܕܶܐ ܕܳܗ̄ܒ݄ܢ ܠܳܟ̥ ܐܰܓ̥ܪܳܐ، ܡܺܐܝܕ̥ܶܗ ܕ݄ܓܕܳܗ̄ܘܶܐ ܠܳܟ̥ ܐܰܓ̥ܪܳܐ ܒܺܗ̄ܝ ܩܝܰܡܬܳܐ ܕܰܙّܰܕ̈ܺܝܩܶܐ.“

”ܫܰܦ݄ܪܬܳܐ ܝܳܐ ܗ̄ܺܝ ܡܰܠܚܳܐ، ܘܶܐܢ ܕܫܳܗܘܳܐ ܗ̄ܺܝ ܡܰܠܚܳܐ، ܒܡ݄ܢ ܓܡܺܝܡܰܠܚܳܐ؟ ܠܳܐ ܠܺܗ̄ܝ ܐܰܪܥܳܐ ܘܠܳܐ ܠܽܗ̄ܘ ܣܰܪܘܳܐ ܟܛܳܒ̥ܝܳܐ، ܠܰܪܒ̥ܰܠ ܟܡܺܝܚܰܠܩܳܐ. ܡܰܢ ܕܟ݄ܬ ܠܶܗ ܐܰܕ̥̈ܢܶܐ ܕܫܳܡ݄ܥ ܛܪܳܐ ܫܳܡ݄ܥ.“