Oblíbené biblické verše z ܡܓܰܠܝܘܢ ܕܝܘܚܢܢ 12

Sdílet

ܐܶܢ ܢܳܫܳܐ ܕ݄ܡܫܰܡܰܫ ܠܺܝ ܛܪܳܐ ܐܳܬ̥ܶܐ ܒ݄ܬ̥ܪܺܝ. ܘܰܐܝܟܳܐ ܕܟ݄ܬ ܐ̱ܢܳܐ ܐܳܢܳܐ ܬܰܡܳܐ ܓܕܳܗ̄ܘܶܐ ܗ̄ܽܘ ܡܫܰܡܫܳܢܰܝܕ̥ܺܝ. ܘܡܰܢ ܕ݄ܡܫܰܡܰܫ ܠܺܝ، ܓ݄ܡܝܰܩܰܪ ܠܶܗ ܗ̄ܽܘ ܐܰܒܳܐ.

ܡܰܢ ܕܪܳܚ݄ܡ ܢܰܦܫܶܗ ܟ݄ܡܣܰܟܰܪ ܠܰܗ؛ ܘܡܰܢ ܕ݄ܡܥܰܢ݄ܬ ܡܶܢ̱ ܢܰܦܫܶܗ ܒܽܗ̄ܘ ܥܳܠܡܰܢܳܐ ܟܢܳܛܰܪ ܠܰܗ ܠܚܰܝ̈ܶܐ ܕ݄ܠܥܳܠܰܡ.

ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܗ̄ܺܝ ܦܪܶܕܳܐ ܕܺܗ̄ܝ ܚܶܛܳܐ ܕܠܳܐ ܢ݄ܦܠܳܐ ܘܡܰܝܬ̥ܳܐ ܒܺܗ̄ܝ ܐܰܪܥܳܐ، ܟܦܰܝܫܳܐ ܠܪܽܘܚܰܗ، ܐܶ‌ܠܳܐ ܐܶܢ ܕܡܳܝܬ̥ܳܐ ܦܺܐܪ̈ܶܐ ܓ̥ܰܠܰܒܶܐ ܟܡܰܡܛܝܳܐ.

ܐܳܢܳܐ ܐܰܬ̥ܺܝ ܐ̱ܢܳܐ ܢܽܘܗܪܳܐ ܠܽܗ̄ܘ ܥܳܠܡܳܐ، ܕܟܽܘܠ ܡܰܢ ܕ݄ܡܗܰܝܡ݄ܢ ܐܶܒܺܝ ܠ݄ܐ ܟܦܳܝ݄ܫ ܒܽܗ̄ܘ ܥܰܡܛܳܢܳܐ.

ܘܡܰܢ ܕܫܳܡ݄ܥ ܗ̄ܽܘ ܡܰܐܡܪܰܝܕ̥ܺܝ ܘܠܳܐ ܢܳܛܰܪ ܠܶܗ، ܐܳܢܳܐ ܠ݄ܐ ܟܕܳܝܰܢܢܶܗ، ܡܺܐܝܕ̥ܶܗ ܕܠܰܐ ܐܬ̥ܺܝ ܐ̱ܢܳܐ ܕܕܳܝܰܢ ܐ̱ܢܳܐ ܗ̄ܽܘ ܥܳܠܡܳܐ ܐܶ‌ܠܳܐ ܕܳܗ̄ܒܶܐ ܐ̱ܢܳܐ ܠܶܗ ܚܰܝ̈ܶܐ.

ܘܡܰܪܝܰܡ ܡ݄ܕ ܠܰܗ ܫܺܝܫܬܳܐ ܕܒܰܣܡܳܐ ܕܢܰܪܕܺܝܢ ܛܳܒ̥ܳܐ ܘ݄ܒܛܺܝܡܳܐ ܓ̥ܰܠܰܒܶܐ، ܘ݄ܡܫ݄ܚ ܠܰܗ ܪ̈ܰܓ̥ܠܳܬ̥ܶܗ ܕܝܶܫܽܘܥ ܘ݄ܡܟܰܦܪܺܝ ܠܰܗ ܒܣܰܥܪܰܗ. ܘ݄ܡܠܶܐ ܗ̄ܽܘ ܒܰܝܬܳܐ ܪܶܝܚܶܗ ܕܽܗ̄ܘ ܒܰܣܡܳܐ.

ܡ݄ܕّܶܗ ܣܰܘܟ̈ܶܐ ܕܰܕّܶܩ̈ܠܶܐ ܘܢܰܦܺܝܩܺܝ ܩܰܕ̱ܡܽܘܬ̥ܶܗ، ܘܡܰܙܥܩܺܝ ܗ̄ܘܰܘ̱ ܘ݄ܐܡّܺܪ̱ܝ ܗ̄ܘܰܘ̱: ”ܐܽܘܫܰܥܢܳܐ! ܒܪܺܝܟ̥ܳܐ ܝܳܐ ܕܟܳܐܬ̥ܶܐ ܒ݄ܐܫܡܶܗ ܕܡܳܪܝܳܐ، ܗ̄ܽܘ ܡܰܠܟܳܐ ܕܺܐܝܣܪܳܐܶܝܠ.“

ܘܝܶܫܽܘܥ ܡܰܕܥܰܪ ܠܶܗ ܘܐܡ݄ܪ ܠܰܗ ܠّܶܗ: ”ܐܰܬ̥ܝܳܐ ܗ̄ܺܝ ܫܳܥܬ̥ܳܐ ܕܡܺܝܫܰܒ݄ܚ ܐܰܒܪܶܗ ܕܢܳܫܳܐ.