Oblíbené biblické verše z ܣܶܦܪܳܐ ܕ݄ܒܪܺܝܬ̥ܳܐ 15

Sdílet

ܘ݄ܡܗܰܝܡܰܢ ܠܶܗ ܐܰܒܪܳܡ ܒܰܐ‌ܠܳܗܳܐ ܘ݄ܚܫܺܝܒ̥ܳܐ ܐܶ‌ܠܶܗ ܙܰܕܺܝܩܽܘܬ̥ܳܐ.

ܒ݄ܬ̥݄ܪ ܡܰܢ̱ ܡّܰܐܡܪ̈ܰܢܺܝ، ܗܰܘܺܝ ܗ̄ܽܘ ܡܰܐܡܪܳܐ ܕܡܳܪܝܳܐ ܥܰܠ ܐܰܒܪܳܡ ܒܚܶܙܘܳܐ، ܘܐܡ݄ܪ ܠܶܗ ܠܶܗ: ”ܠܳܐ ܙܰܝܥܰܬ، ܐܰܒܪܳܡ، ܐܳܢܳܐ ܓ݄ܡܥܰܕܰܪܢܳܟ̥. ܗ̄ܽܘ ܐܰܓ̥ܪܰܝܕ̥ܳܟ̥ ܓ̥ܰܠܰܒܶܐ ܪܰܒܳܐ ܝܳܐ.“

ܘܡܰܘܦܰܩ ܠܶܗ ܠܰܪܒ̥ܰܠ ܘܐܡ݄ܪ ܠܶܗ ܠܶܗ: ”ܚܘ̇ܪ ܒܺܗ̄ܝ ܫܡܰܝܳܐ ܘ݄ܒܢܰܝ ܗ̄ܰܟّܘ̇ܟܒ̥̈ܶܐ ܐܶܢ ܟܺܝܒܳܟ̥ ܕܒܳܢܰܬّܶܗ.“ ܘܐܡ݄ܪ ܠܶܗ ܠܶܗ: ”ܗܰܘܟ̥ܰܐ ܓܕܳܗ̄ܘܶܐ ܗ̄ܽܘ ܙܰܪܥܰܝܕ̥ܳܟ̥.“

ܘܐܡ݄ܪ ܠܶܗ ܠܶܗ ܡܳܪܝܳܐ: ”ܠ݄ܐ ܓܝܳܪܰܬ̥ ܠܳܟ̥ ܗܰܢܳܐ، ܐܶܠܳܐ ܗ̄ܽܘ ܐܰܒܪܰܝܕ̥ܳܟ̥ ܕܢܳܦ݄ܩ ܡܶܢ̱ ܚܰܨܳܟ̥ ܗܺܝّܶܗ ܓܝܳܪܰܬ̥ ܠܳܟ̥.“

ܘܐܡ݄ܪ ܠܶܗ ܠܰܐܒܪܳܡ: ”ܡܰܕ̥ܥܳܐ ܝܺܕ̥ܰܥ ܝܳܐ، ܥܳܡܽܘܪܳܐ (ܓܰܠܘܳܝܳܐ) ܓܕܳܗ̄ܘܶܐ ܗ̄ܽܘ ܙܰܪܥܰܝܕ̥ܳܟ̥ ܒܰܐܪܥܳܐ ܕܠܰܝ̱ܬ ܝܳܐ ܗ̄ܺܝ ܐܰܪܥܰܬّ̥ܶܗ، ܘ݄ܓܥܳܒ̥ܕܺܝ ܐܰ‌ܠّܶܗ، ܘ݄ܓܕܳܗ̄ܘ݄ܢّܶܗ ܓܪ̈ܶܝܥܶܐ ܐܰܪܒܰܥܡܳܐܐ ܐ݄ܫܢ̈ܶܐ.

ܘܐܡ݄ܪ ܠܶܗ ܐܰܒܪܳܡ: ”ܝܰܐ ܡܳܪܝܳܐ ܐܰ‌ܠܳܗܳܐ، ܡ݄ܢ ܓܕܳܗ̄ܒܰܬ ܠܺܝ، ܘܳܐܢܳܐ ܐܰܙܳܠܳܐ ܕܠܳܐ ܐܰܒܢ̈ܶܐ، ܘܶܐ‌ܠܺܝܥܳܙܳܪ ܗ̄ܽܘ ܕܰܪܡܽܘܣܩܳܝܳܐ، ܗ̄ܽܘ ܐܰܒܪܳܐ ܕܽܗ̄ܘ ܒܰܝܬܰܝܕ̥ܺܝ ܗܺܝّܶܗ ܓܝܳܪܰܬ̥ ܠܺܝ؟“

ܒܽܗ̄ܘ ܝܰܘܡܰܘܳܐ، ܡܰܩ݄ܡ ܠܶܗ ܡܳܪܝܳܐ ܥܰܡ ܐܰܒܪܳܡ ܩܝܳܡܳܐ، ܘܐܡ݄ܪ ܠܶܗ ܠܶܗ: ”ܠܽܗ̄ܘ ܙܰܪܥܰܝܕ̥ܳܟ̥ ܓܕܳܗ̄ܒܶܐ ܐ̱ܢܳܐ ܗ̄ܺܝ ܐܰܪܥܰܬ̥ܶܐ، ܡܽܗ̄ܘ ܢܰܗܪܳܐ ܕܡܶܨܪܶܝܢ ܘܗ݄ܠ ܠܽܗ̄ܘ ܢܰܗܪܳܐ ܪܰܒܳܐ، ܗ̄ܽܘ ܢܰܗܪܳܐ ܕ݄ܦܪܳܬ̥،

ܘܽܗ̄ܘ ܕܳܪܳܐ ܕܰܗ̄ܢ ܐܰܪܒܥܳܐ، ܓܕܳܥܪܺܝ ܠܰܗ̄ܪܟܶܐ، ܥܰܠ ܕܠܳܐ ܬܰܝܺܝܡܺܝ ܗܶܫ ܗ̄ܰܚܛܳܗ̈ܶܐ ܕܰܗ̄ܢ ܐܳܡܽܘܪ̈ܳܝܶܐ.“