Oblíbené biblické verše z ܣܶܦܪܳܐ ܕ݄ܒܪܺܝܬ̥ܳܐ 1

Sdílet

ܘܐܡ݄ܪ ܠܶܗ ܐܰ‌ܠܳܗܳܐ: ”ܛܪܳܐ ܣܰܝܡܺܝܢܰܐ ܗ̄ܽܘ ܢܳܫܳܐ ܒܽܗ̄ܘ ܨܰܠܡܰܝܕ̥ܰܢ ܐܟ̥ ܕܽܗ̄ܘ ܕܽܘܡܝܰܝܕ̥ܰܢ. ܘ݄ܛܪܳܐ ܡܺܝܫܰܠܛܺܝ ܥܰܠ ܗ̄ܰܢ ܢܽܘܢ̈ܶܐ ܕܽܗ̄ܘ ܝܰܡܳܐ ܘܥܰܠ ܗ̄ܽܘ ܛܰܝܪܳܐ ܕܺܗ̄ܝ ܫܡܰܝܳܐ ܘܥܰܠ ܗ̄ܽܘ ܒܥܺܝܪܳܐ ܘܥܰܠ ܟܽܘܠّܶܗ ܗ̄ܰܚّܰܝ̈ܘܳܬ̥ܳܐ ܕܺܗ̄ܝ ܐܰܪܥܳܐ، ܘܥܰܠ ܟܽܘܠܶܗ ܗ̄ܽܘ ܪܰܚܫܳܐ ܕܟܳܪܳܚ݄ܫ ܥܰܠ ܗ̄ܺܝ ܐܰܪܥܳܐ.“ ܘ݄ܒܪܶܐ ܠܶܗ ܐܰ‌ܠܳܗܳܐ ܠܳܐܕ̥ܳܡ ܒܽܗ̄ܘ ܨܰܠܡܰܝܕ̥ܶܗ، ܒܽܗ̄ܘ ܨܰܠܡܳܐ ܕܰܐ‌ܠܳܗܳܐ ܒܪܶܐ ܠܶܗ، ܓܰܒ̥ܪܳܐ ܘܰܐܢ̱ܬ̥ܬܳܐ ܒܪܰܠّܶܗ.

ܘܰܐ‌ܠܳܗܳܐ ܡܒܰܪܟ̥ܺܝ ܠܶܗ، ܘܐܡ݄ܪ ܠܰܗ ܠّܶܗ ܐܰ‌ܠܳܗܳܐ: ”ܣܽܘܡܽܘ ܦܺܐܪ̈ܶܐ، ܘܡܰܘܠܶܕܽܘ ܘܙܽܘܕܽܘ، ܘ݄ܡܠܰܘ ܗ̄ܺܝ ܐܰܪܥܳܐ، ܘܨܽܘܕܽܘ ܠܰܗ. ܘܡܺܝܫܰܠܶܛܽܘ ܥܰܠ ܗ̄ܰܢ ܢܽܘܢ̈ܶܐ ܕܽܗ̄ܘ ܝܰܡܳܐ ܘܥܰܠ ܗ̄ܽܘ ܛܰܝܪܳܐ ܕܺܗ̄ܝ ܫܡܰܝܳܐ ܘܥܰܠ ܗ̄ܺܝ ܚܰܝܽܘܬ̥ܳܐ ܘܥܰܠ ܟܽܘܠܰܗ ܗ̄ܺܝ ܚܰܝܽܘܬ̥ܳܐ ܕܟܳܪܳܚܫܳܐ ܥܰܠ ܗ̄ܺܝ ܐܰܪܥܳܐ.“

ܒܽܗ̄ܘ ܪܺܝܫܳܐ ܐܰ‌ܠܳܗܳܐ ܒܪܶܐ ܠܶܗ ܗ̄ܺܝ ܫܡܰܝܳܐ ܘܺܗ̄ܝ ܐܰܪܥܳܐ.

ܗ̄ܺܝ ܐܰܪܥܳܐ ܬܽܘܗ ܘܒܽܘܗ ܗ̄ܘܰܐ. ܘܚܶܫܟ̥ܳܐ ܥܰܠ ܦܳܬ̥ܶܗ ܕܰܡّܰܝ̈ܶܐ ܥܰܡܽܘܩ̈ܶܐ ܗ̄ܘܰܐ. ܘܺܗ̄ܝ ܪܽܘܚܳܐ ܕܰܐ‌ܠܳܗܳܐ ܡܪܰܚܦܳܐ ܗ̄ܘܰܐ ܥܰܠ ܦܳܬ̥ܶܗ ܕܰܡّܰܝ̈ܶܐ.

ܘܐܡ݄ܪ ܠܶܗ ܐܰ‌ܠܳܗܳܐ: ”ܛܪܳܐ ܗ̄ܘܶܐ ܢܽܘܗܪܳܐ.“ ܘܗܰܘܺܝ ܢܽܘܗܪܳܐ.

ܘ݄ܚܙܶܐ ܠܶܗ ܐܰ‌ܠܳܗܳܐ ܟܘ̇ܠ ܕܣ݄ܡ ܠܶܗ ܘܟܰܐܠܶܗ ܓ̥ܰܠܰܒܶܐ ܫܰܦܺܝܪܳܐ ܝܳܐ. ܘܗܰܘܺܝ ܪܰܡܫܳܐ ܘܗܰܘܺܝ ܨܰܦܪܳܐ ܝܰܘܡܳܐ ܕܰܗ̄ܢ ܐ݄ܫܬܳܐ.

ܘ݄ܚܙܶܐ ܠܶܗ ܐܰ‌ܠܳܗܳܐ ܗ̄ܽܘ ܢܽܘܗܪܳܐ ܕܟ݄ܬ ܝܳܐ ܫܰܦܺܝܪܳܐ. ܘ݄ܦܪ݄ܫ ܠܶܗ ܐܰ‌ܠܳܗܳܐ ܒܰܝܢ ܠܽܗ̄ܘ ܢܽܘܗܪܳܐ ܘܠܽܗ̄ܘ ܚܶܫܟ̥ܳܐ.

ܘܐܡ݄ܪ ܠܶܗ ܐܰ‌ܠܳܗܳܐ: ”ܟܰܐܠܺܝ ܗܽܒ̥ ܠܺܝ ܠܟ̥ܽܘ ܟܽܘܠܶܗ ܗ̄ܽܘ ܓܶܠܳܐ ܕܽܗ̄ܘ ܙܰܪܥܳܐ ܕܟܳܡ݄ܙܪ݄ܥ ܥܰܠ ܦܳܬ̥ܰܗ ܕܟܽܘܠܰܗ ܗ̄ܺܝ ܐܰܪܥܳܐ، ܘܟܘ̇ܠ ܐܺܝܠܳܢܳܐ ܕܟܺܝܬ ܐܶܒܶܗ ܦܺܐܪ̈ܶܐ، ܟܘ̇ܠ ܐܺܝܠܳܢܳܐ ܕܽܗ̄ܘ ܙܰܪܥܰܝܕ̥ܶܗ ܕܟܳܡ݄ܙܪ݄ܥ، ܐܰ‎ܠܟ̥ܽܘ ܓܕܳܗ̄ܘܶܐ ܡܽܐܘܟܠܳܐ.

ܘ݄ܩܪܶܐ ܠܶܗ ܐܰ‌ܠܳܗܳܐ ܠܽܗ̄ܘ ܢܽܘܗܪܳܐ ܐܺܝܡܳܡܳܐ، ܘܠܽܗ̄ܘ ܚܶܫܟ̥ܳܐ ܩܪܶܐ ܠܶܗ ܠܰܠܝܳܐ. ܘܗܰܘܺܝ ܪܰܡܫܳܐ ܘܗܰܘܺܝ ܨܰܦܪܳܐ ܝܰܘܡܳܐ ܚܰܕ̱.

ܘܐܡ݄ܪ ܠܶܗ ܐܰ‌ܠܳܗܳܐ: ”ܛܪܳܐ ܗ̄ܘܶܐ ܪܩܺܝܥܳܐ ܒܦܰܠܓܶܗ ܕܰܡّܰܝ̈ܶܐ، ܘܦܳܪ݄ܫ ܒܰܝܢ ܡܰܝ̈ܶܐ ܠܡܰܝ̈ܶܐ.“

ܘ݄ܠܟܽܘܠܰܗ ܗ̄ܺܝ ܚܰܝܽܘܬ̥ܳܐ ܕܽܗ̄ܘ ܡܰܕ̥݄ܒܪܳܐ، ܘ݄ܠܟܽܘܠܶܗ ܗ̄ܽܘ ܛܰܝܪܳܐ ܕܺܗ̄ܝ ܫܡܰܝܳܐ، ܘ݄ܠܟܘ̇ܠ ܕܟܳܡܗܰܠ݄ܟ̥ ܥܰܠ ܗ̄ܺܝ ܐܰܪܥܳܐ ܕܟܺܝܬ ܐܶܒܶܗ ܢܰܦܫܳܐ ܚܰܝܬ̥ܳܐ ܘܟܽܘܠّܶܗ ܗ̄ܰܝّܰܪ̈ܩܽܘܢܶܐ ܕܽܗ̄ܘ ܙܰܪܥܳܐ (ܗܽܒ̥ ܠܺܝ ܠܟ̥ܽܘ ܝܳܐ) ܠܽܗ̄ܘ ܡܽܐܘܟܠܳܐ.“ ܘܗܰܘܺܝ ܗܰܘܟ̥ܰܐ.

ܘܐܡ݄ܪ ܠܶܗ ܐܰ‌ܠܳܗܳܐ: ”ܛܪܳܐ ܗ̄ܘ݄ܢ ܢܰܗܺܝܪ̈ܶܐ ܒܽܗ̄ܘ ܪܩܺܝܥܳܐ ܕܺܗ̄ܝ ܫܡܰܝܳܐ ܕܦܳܪܫܺܝ ܒܰܝܢܶܗ ܠܽܗ̄ܘ ܐܺܝܡܳܡܳܐ ܘܠܽܗ̄ܘ ܠܰܠܝܳܐ. ܘܗܳܘ݄ܢ ܠܳܐܬ̥ܘ̈ܳܬ̥ܳܐ ܘ݄ܠܙܰܒܢ̈ܶܐ ܘ݄ܠܝܰܘܡ̈ܶܐ ܘܠ݄ܐܫܢ̈ܶܐ.

ܘܰܐ‌ܠܳܗܳܐ ܐܡ݄ܪ ܠܶܗ: ”ܛܪܳܐ ܗ̄ܺܝ ܐܰܪܥܳܐ ܡܰܘܦܩܳܐ ܓܶܠܳܐ: ܙܰܪܥܳܐ ܕܡܰܘܦ݄ܩ ܒܙܰܪܥܳܐ ܠܽܗ̄ܘ ܓܶܢܣܰܝܕ̥ܶܗ، ܘܺܐܝܠܳܢܳܐ ܕܦܺܐܪ̈ܶܐ ܕ݄ܟܣܳܝ݄ܡ ܦܺܐܪ̈ܶܐ ܠܽܗ̄ܘ ܓܶܢܣܰܝܕ̥ܶܗ، ܕܺܗ̄ܝ ܢܰܨܒܰܝܕ̥ܶܗ ܐܶܒܶܗ ܥܰܠ ܗ̄ܺܝ ܐܰܪܥܳܐ.“ ܘܗܰܘܺܝ ܗܰܘܟ̥ܰܐ.

ܘܣ݄ܡ ܠܶܗ ܐܰ‌ܠܳܗܳܐ ܗ̄ܽܘ ܪܩܺܝܥܳܐ، ܘ݄ܦܪ݄ܫ ܠܶܗ ܒܰܝܢ ܗ̄ܰܡّܰܝ̈ܶܐ ܕܠܰܠܬܰܚ ܡܽܗ̄ܘ ܪܩܺܝܥܳܐ ܘܠܰܡّܰܝ̈ܶܐ ܕܠܰܠܥ݄ܠ ܡܽܗ̄ܘ ܪܩܺܝܥܳܐ. ܘܗܰܘܺܝ ܗܰܘܟ̥ܰܐ.

ܘܡܰܘܦܰܩ ܠܰܗ ܗ̄ܺܝ ܐܰܪܥܳܐ ܓܶܠܳܐ: ܙܰܪܥܳܐ ܕܟܳܗ̄ܒܶܐ ܒܙܰܪܥܳܐ ܠܽܗ̄ܘ ܓܶܢܣܰܝܕ̥ܶܗ. ܘܺܐܝܠܳܢܳܐ ܕ݄ܟܣܳܝ݄ܡ ܦܺܐܪ̈ܶܐ ܕܺܗ̄ܝ ܢܰܨܒܰܝܕ̥ܶܗ ܐܶܒܶܗ ܠܽܗ̄ܘ ܓܶܢܣܰܝܕ̥ܶܗ. ܘܰܐ‌ܠܳܗܳܐ ܚܙܶܐ ܠܶܗ ܕܟ݄ܬ ܝܳܐ ܫܰܦܺܝܪܳܐ.

ܘܣ݄ܡ ܠܶܗ ܐܰ‌ܠܳܗܳܐ ܗ̄ܰܬܪܶܝ ܢܰܗܺܝܪ̈ܶܐ ܪ̈ܰܒܶܐ: ܗ̄ܽܘ ܢܰܗܺܝܪܳܐ ܪܰܒܳܐ ܠܽܗ̄ܘ ܫܽܘܠܛܳܢܳܐ ܕܽܗ̄ܘ ܐܺܝܡܳܡܳܐ، ܘܽܗ̄ܘ ܢܰܗܺܝܪܳܐ ܙܥܽܘܪܳܐ ܠܽܗ̄ܘ ܫܽܘܠܛܳܢܳܐ ܕܽܗ̄ܘ ܠܰܠܝܳܐ، ܘܰܟّܘ̇ܟܒ̥̈ܶܐ.

ܘܰܐ‌ܠܳܗܳܐ ܐܡ݄ܪ ܠܶܗ: ”ܛܪܳܐ ܠܳܬܡܺܝ ܗ̄ܰܡّܰܝ̈ܶܐ ܕܠܰܠܬܰܚ ܡܺܗ̄ܝ ܫܡܰܝܳܐ ܠܕܽܘܟܬ̥ܳܐ ܚܕ̥ܳܐ. ܘ݄ܛܪܳܐ ܡܶܚܙܳܝܳܐ ܗ̄ܺܝ ܝܰܒ݄ܫܬܳܐ.“ ܘܗܰܘܺܝ ܗܰܘܟ̥ܰܐ. ܘ݄ܩܪܶܐ ܠܶܗ ܐܰ‌ܠܳܗܳܐ ܠܺܗ̄ܝ ܝܰܒ݄ܫܬܳܐ ܐܰܪܥܳܐ، ܘܠܽܗ̄ܘ ܬܶܠܬܺܝܡܳܐ ܕܰܡّܰܝ̈ܶܐ ܩܪܶܐ ܠܶܗ ܝܰܡ̈ܶܐ. ܘ݄ܚܙܶܐ ܠܶܗ ܐܰ‌ܠܳܗܳܐ ܕܟ݄ܬ ܝܳܐ ܫܰܦܺܝܪܳܐ.

ܘ݄ܡܒܰܪܟ̥ܺܝ ܠܶܗ ܐܰ‌ܠܳܗܳܐ، ܘܐܡ݄ܪ ܠܰܗ ܠّܶܗ: ”ܣܽܘܡܽܘ ܦܺܐܪ̈ܶܐ ܘܡܰܘܠܶܕܽܘ ܘܙܽܘܕܽܘ، ܘ݄ܡܠܰܘ ܗ̄ܰܡّܰܝ̈ܶܐ ܕܒܰܝّܰܡ̈ܶܐ. ܘ݄ܛܪܳܐ ܗ̄ܰܛّܰܝܪ̈ܶܐ ܙܰܝܕܺܝ ܒܺܗ̄ܝ ܐܰܪܥܳܐ.“

ܘܐܡ݄ܪ ܠܶܗ ܐܰ‌ܠܳܗܳܐ: ”ܛܪܳܐ ܡܰܘܦܩܳܐ ܗ̄ܺܝ ܐܰܪܥܳܐ ܢܰܦܫܳܐ ܚܰܝܬ̥ܳܐ ܠܽܗ̄ܘ ܓܶܢܣܰܝܕ̥ܰܗ: ܒܥܺܝܪܳܐ ܘܪܰܚܫܳܐ ܘܚܰܝܽܘܬ̥ܳܐ ܕܺܗ̄ܝ ܐܰܪܥܳܐ ܠܽܗ̄ܘ ܓܶܢܣܰܝܕ̥ܰܗ.“ ܘܗܰܘܺܝ ܗܰܘܟ̥ܰܐ.

ܘܐܡ݄ܪ ܠܶܗ ܐܰ‌ܠܳܗܳܐ: ”ܛܪܳܐ ܗ̄ܰܡّܰܝ̈ܶܐ ܡܰܘܦܩܺܝ ܪܰܚܫܳܐ ܚܰܝܳܐ ܕܟ݄ܬ ܠܶܗ ܢܰܦܫܳܐ ܚܰܝܬ̥ܳܐ، ܘ݄ܛܪܳܐ ܛܰܝܪܳܐ ܦܳܝ݄ܪ ܥܰܠ ܗ̄ܺܝ ܐܰܪܥܳܐ، ܥܰܠ ܦܳܬ̥ܶܗ ܕܽܗ̄ܘ ܪܩܺܝܥܳܐ ܕܺܗ̄ܝ ܫܡܰܝܳܐ.“

ܘܣ݄ܡ ܠܶܗ ܐܰ‌ܠܳܗܳܐ ܗ̄ܺܝ ܚܰܝܽܘܬ̥ܳܐ ܕܺܗ̄ܝ ܐܰܪܥܳܐ ܠܽܗ̄ܘ ܓܶܢܣܰܝܕ̥ܰܗ، ܘܽܗ̄ܘ ܒܥܺܝܪܳܐ ܠܽܗ̄ܘ ܓܶܢܣܰܝܕ̥ܶܗ، ܘܟܽܘܠܶܗ ܗ̄ܽܘ ܪܰܚܫܳܐ ܕܺܗ̄ܝ ܐܰܪܥܳܐ ܠܽܗ̄ܘ ܓܶܢܣܰܝܕ̥ܶܗ. ܘ݄ܚܙܶܐ ܠܶܗ ܐܰ‌ܠܳܗܳܐ ܕܫܰܦܺܝܪܳܐ ܝܳܐ.