Oblíbené biblické verše z ܣܶܦܪܳܐ ܕܡܰܦܩܳܢܳܐ 7

Sdílet

ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܚܙܰܝ ܕܣ݄ܡ ܠܺܝ ܠܳܟ̥ ܐܰ‌ܠܳܗܳܐ ܥܰܠ ܦܶܪܥܽܘܢ. ܘܰܐܗܪܽܘܢ ܐܰܚܽܘܢܳܟ̥ ܓܕܳܗ̄ܘܶܐ ܗ̄ܽܘ ܢܒܺܝܰܝܕ̥ܳܟ̥.

ܘܳܐܢܳܐ ܓܡܰܩܫܶܐ ܐ̱ܢܳܐ ܠܶܒܶܗ ܕܦܶܪܥܽܘܢ، ܘ݄ܓܡܰܙ݄ܕ ܐ̱ܢܳܐ ܗ̄ܰܢ ܐܳܬ̥ܘ̈ܳܬ̥ܰܝܕ̥ܺܝ ܘܰܬّܶܕ݄ܡܪ̈ܳܬ̥ܰܝܕ̥ܺܝ ܒܺܗ̄ܝ ܐܰܪܥܳܐ ܕܡܶܨܪܶܝܢ. ܘܦܶܪܥܽܘܢ ܠ݄ܐ ܓܫܳܡܰܥܟ̥ܽܘ. ܘ݄ܓܡܰܚܰܬ ܐ̱ܢܳܐ ܐܺܝܕ̥ܺܝ ܥܰܠ ܡܶܨܪܶܝܢ ܘܡܰܘܦܰܩ ܐ̱ܢܳܐ ܗ̄ܰܚّܰܝ̈ܠܰܝܕ̥ܺܝ، ܘܽܗ̄ܘ ܥܰܡܰܝܕ̥ܺܝ ܐܰܒܢ̈ܶܐ ܕܺܐܝܣܪܳܐܶܝܠ، ܡܺܗ̄ܝ ܐܰܪܥܳܐ ܕܡܶܨܪܶܝܢ ܒܕܺܝܢ̈ܶܐ ܪ̈ܰܒܶܐ.

ܘ݄ܓܕ݄ܐܕ̥ܥܺܝ ܗ̄ܰܡّܶܨܪ̈ܳܝܶܐ ܕܳܐܢܳܐ ܐ̱ܢܳܐ ܡܳܪܝܳܐ، ܡ݄ܐ ܕܡܰܥܠܶܐ ܠܺܝ ܐܺܝܕ̥ܺܝ ܥܰܠ ܗ̄ܰܡّܶܨܪ̈ܳܝܶܐ، ܘܡܰܘܦܰܩ ܠܺܝ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܶܢ̱ ܒܰܝܢܳܬ̥ܰܝّܶܗ.“

ܘ݄ܩܪܶܐ ܠܶܗ ܦܶܪܥܽܘܢ ܠܰܚّܰܟܺܝ̈ܡܶܐ ܘܠܰܚّܰܪ̈ܳܫܶܐ، ܘܗܰܢ݄ܟ ܣܬܶܝ ܗ̄ܰܚّܰܪ̈ܳܫܰܢ݄ܟ ܕܡܶܨܪܶܝܢ ܣ݄ܡّܶܗ ܗܰܘܟ̥ܰܐ ܒܰܚّܶܪ̈ܫܰܬّ̥ܶܗ. ܘܟܘ̇ܠ ܚܰܕ̱ ܡ݄ܢّܶܗ ܡܚܰܠܰܩ ܠܶܗ ܗ̄ܺܝ ܚܰܛܪܰܝܕ̥ܶܗ ܩ݄ܕ̱ܡ ܦܶܪܥܽܘܢ، ܘܗܰܘ݄ܢ ܟܽܘܪ̈ܦܶܐ. ܘ݄ܒܠ݄ܥ ܠܰܗ ܗ̄ܺܝ ܚܰܛܪܳܐ ܕܰܐܗܪܽܘܢ ܗ̄ܰܚّܰܛܪ̈ܳܬ̥ܰܬّ̥ܶܗ.

ܗܰܘܟ̥ܰܐ ܟܳܐܡ݄ܪ ܡܳܪܝܳܐ: ܒܰܗ̄ܬ̥ܶܐ ܓܕ݄ܐܕ̥ܥܰܬ ܕܳܐܢܳܐ ܐ̱ܢܳܐ ܡܳܪܝܳܐ. ܟܰܐܠܶܗ ܟܡܳܚܶܐ ܐ̱ܢܳܐ ܒܺܗ̄ܝ ܚܰܛܪܳܐ ܕܒܺܐܝܕ̥ܺܝ ܥܰܠ ܗ̄ܰܡّܰܝ̈ܶܐ ܕܒܽܗ̄ܘ ܢܰܗܪܳܐ، ܘܓ݄ܕܩܳܠܒܺܝ ܘܗܳܘ݄ܢ ܐܰܕܡܳܐ.

”ܐܶܢ ܐܡ݄ܪ ܠܶܗ ܠܟ̥ܽܘ ܦܶܪܥܽܘܢ ܗܰܒ̥ܽܘ ܠܺܝ ܐܳܬ̥ܳܐ، ܐܡܰܪ ܠܰܐܗܪܽܘܢ: ܡܘ̇ܕ ܗ̄ܺܝ ܚܰܛܪܰܝܕ̥ܳܟ̥ ܘ݄ܡܚܰܠܶܩܰܗ ܩ݄ܕ̱ܡ ܦܶܪܥܽܘܢ، ܘ݄ܓܕܽܗ̄ܘܝܳܐ ܟܽܘܪܦܳܐ.“ ܘܰܐܬ̥݄ܢ ܡܽܘܫܶܐ ܘܰܐܗܪܽܘܢ ܠܓܰܒ ܦܶܪܥܽܘܢ، ܘܣ݄ܡّܶܗ ܗܰܘܟ̥ܰܐ، ܐܟ̥ ܕܐܡ݄ܪ ܠܰܗ ܠّܶܗ ܡܳܪܝܳܐ. ܘ݄ܡܚܰܠܰܩ ܠܶܗ ܐܰܗܪܽܘܢ ܗ̄ܺܝ ܚܰܛܪܰܝܕ̥ܶܗ ܩ݄ܕ̱ܡ ܦܶܪܥܽܘܢ ܘܩ݄ܕ̱ܡ ܗ̄ܰܓܪ̈ܶܝܥܰܝܕ̥ܶܗ ܗ̄ܰܚّܺܐܪ̈ܶܐ، ܘܗܰܘܝܳܐ ܟܽܘܪܦܳܐ.