Oblíbené biblické verše z Mattuw 5

Sdílet

Ápàzukponu yi hwāpyù yiibe kyàngyà ma lò wú yi bē'u yɔ̀. Kin ú lò'u sè bé wúwàsèní, yii bē waa u yi yí nɔ́nɔ̄ yi bēyá yii futá lá. Kà yi zukpo mamá, mazyi ábēyá'ni ú sánghánghálá yii pyɛ̀ panku, mazyi wá wya wúwàsàsà waa ni hwoi sá lá, mazyi wá ngyā Adā'ni wà yii dɔ lá.

<<Ni hwoi sáyìna bēyá àwu denmyɛ sásá. Àgáwàshuwɔ̀ waa wa myī'u yiishina gwū yi yùyò yɔ̀.

Avosɔ̀ Shidɔ yi wu áwándó wàbā nwú wànyɛnyɛ lá, dizyi wa hwoi wya Shidɔ!

Avosɔ̀ Shidɔ yi wu áwándó wàhwoi fá mbɔ̄ wa nwúzyà àwu wú wàgyēgyē lá, dizyi Shidɔ yí'wa hwoi zɛ̀fu!

Dedee tàma m ngyi zɛ̀ yí'ni la, ni shó áwáwàzé'ni mazyi ni jāndɛ̀ wè wándó wàhwoi tà'ni fyì lá

<<Avosɔ̀ Shidɔ yi wu áwándó wàyì'wanɔ̀ la, wa nyànì nidi lá, dizyi Àchɔ̀ wàyii dɔ lá yi wuwa!

Avosɔ̀ Shidɔ yi wu áwándó wàhwoi pézyí lá, dizyi Shidɔ yi bá'wa la, ázyē'a!

Avosɔ̀ Shidɔ yi wu áwándó wàhwoi shèki lá, dizyi Shidɔ gbaa yi pé'wa ní!

Avosɔ̀ Shidɔ yi wu áwándó waa wa hwoi tà'wa fyì ishina wàsá wú waa Shidɔ yi fú lá, dizyi Àchɔ̀ wàyii dɔ lá yi wuwa!

Avosɔ̀ Shidɔ yi wu áwándó wàhwoi wyashīshī wándó wànati lá, dizyi Shidɔ yi wyashīshī'wa dúdú!

<<Avosɔ̀ Shidɔ yi wuni nyunuwaa ápanku ma chō'ni tè, ma tà'ni fyì, ma té'ni zyí kɛ̄-kɛ̄kɛ̄ wàbɛbɛ àwu zyígé ishina ni hwoi be'mni lá ní. Ni mbònwú mazyi ni shàáshà, dizyi ābetò kolo'ni wàshūwɔ̀ hwā'ni yii dɔ. dizyi mamá waa áwándówyapyɛ̀ wàkɛ́pyɛ̀ yí'ni lá wyafyì ní.

Avosɔ̀ Shidɔ yi wu áwándó wàhwo ishina'wa náli lá, dizyi áwuwa gbaa hwoi zyīfí bēèmyɛ̄ ní!

<<Ni hwoi sáyìna āmā àwu pànku sásá. Dedee nyunu waa āmā magadì wa àvyā'a, bā nyashɔ waa o kà yi sá'u yi vyāàvyā gɛ̀ yɔ̀. U lò kà wúwàtàánchɔ̀, yimamala wa lò'u yi nyámbyɛ́ wè myɛ̄, ápanku hwoi tébá yii ní.

U lò kà kɛ́n mazyi ni lò kà ápanku wàgyīlà sáyìna yiiyi waa Ada'ni wàyii dɔ gyīlà lá!

Kin zɛ̀ la, <Eba> kwɛɛ <Aayi> dedee o ma zɛ̀ wúzu gbòkyā wú wàhwoila, u zube Ápawàbɛbɛ.

<<Ni kàpyɛ̀ fá Shidɔ zɛ̀ yí panku ndii la, áyīzú yi wàlò hwātɔ̄ kàshī wa áyīzú, kàwa nyí yi wàlò hwātɔ̄ kàshī wa nyí. Dedee tàma m ngyi zɛ̀ yí'ni, ni kálò wúwàbɛbɛ waa pàzu sá'ni lá hwātɔ̄ kàshī yɔ̀. Nyunuwaa ápazu ma tá'o pitá yii gbákyì zyɛ̄ vonzyī ní, kà vēkà gbákyì zyɛ̄ vonsɔ́ yí'u dúdú.

Yimamala nyunuwaa ázú vonzyī'u ma hwā'o yi sá wúwàbɛbɛ ní, lò'u shā támbyɛ́! U yi pà'otáshì ní buu mazyi o sáfyì àkélédì'u zukpo lá kā waa wa lò dìu mɛ̀mbɛ̀lɛ̀ yi tá hwā ndōpyù lá ní. Nyunuwaa àvonzyī'u ma hwā'o yi sá wúwàbɛbɛ ní, lò'u kè mazyi ó lò'u támbyɛ́! U yi pà'otáshì ní buu mazyi ó sáfyì àkélédì'u zukpo lá kā waa dìu mɛ̀mbɛ̀lɛ̀ yi ya ndōpyù lá ní.