Oblíbené biblické verše z Mattuw 24

Sdílet

Ishina wúwàbɛbɛ wàhwo buu lá, ashóòshó lò yi tashuma, dedee wándó wà ma lò nwúgbā ya kèli, u be yi dò nwàzu.

Dedee wa hwoi zɛ̀zyí chɔ̀ wu Shidɔ la yi denmyɛ̄ ú lò yi kà áshévyā yi denmyɛ̄ sásá waa kɛ̀kɛ̀ denmyɛ̄ yi bē ni.

Ni hwoi fá kito kɛ̀ bàbà wa ni kà wa tɛ̄ kɛ̀ wàyii benashɔ, dedee ni káwa sázī yɔ̀. U lò kà kén mazyi wu wa hwoila ú sá mamá, ákɛ̀kɛ̀ kà nàtī.

Àchúpanku wàndabe hwoi bā zyī wa Àchúpanku wàndabe, àchɔ̀ hwoi ba zyī wa àchɔ̀. Ámbwɔ̄ bē yiiní, zyoku sásá hwo yi júùjú. Sásá wu wa hwoila hwoi fyì wàkɛ́pyɛ.

Adɔ wa bēèmyɛ̄ hwoi kɛ̀, dedee ázyí'm yi kè yɔ́.

Apanku ndabe hwoi zɛ̀ la, wa hwoi zɛ̀zyí wum, ma be hwoi zɛ̀ la, <Ami gbaa yi Kristi ní!> ma hwoi byè panku ní ndabe.

<< Yiibeli, wa hwoi tà'ni fyì makà hwo'ni yi bwā, àchúpanku wàndabe hwoi zé'ni dizyi'm. Nyunu li, panku ndabe hwoi me nyàshɔ zyí Shidɔ ní ma hwoi sá diwa bɛfù ma hwoi zé diwa. Áwándówyapyɛ̀ àwu zyígé hwoi be ma hwoi byè panku ndabe ni.

Yesu zɛ̀ yí'wa la, <<Ni kó dini, mazyi ni káwa me pazu ní ú byè'ni ní yɔ̀.

Yimamala, ni mbyā di ni, dizyi Ango Panku yi bē nyunu waa pazukponu lò nwú sáni yɔ̀.

<< Yimamala, ni hwo zu hwali, dizyi ni ba yi nyunu waa Adandō yi be la yɔ̀.

<< Apazukponu gba yì kyū kwɛɛ nyunu, ázyēchɔ̀ wa hwoi dɔ dedee kwɛɛ Ngo li, gba yìnɔ̀ bēèbē'a yɔ̀, Ada tànwú'a gbá yìnɔ̀ ní.

Dizyi ndótɛpa wúzyīgé wa wándówyàpyɛ̀ wuzyigé hwoi pwèzu makà hwoi sá wu gbàshú buu mazyi wa byè panku kwa wa Shidɔ shē lá ma hwoi sákà ni.

Yiiyi waa u yiifu nyunu àwu Nuhu lá, mamá waa u yi kwò nyunu bēèbē Ngo Panku ní. Dédēwaa làpè mwɛ̀ ló yɔ̀ lá, apanku hwoi zyī ma hwoi wa, wánù hwoi sèbā, wa hwo zyēwáwà yi nù, gbógbó nyunu waa Nuhu kà fu kɔ̀; dedee wa gba yì wú wàyi sá yɔ̀ gbógbó fyù bē lò wa hwo ya sásá. Mamá waa u yi yi ni nyunu bēèbē Ngo Panku.