Oblíbené biblické verše z Marukwus 13

Sdílet

Aza vnyanya ɓə wnunu n fyei ntu əmi ɓo, ama əza ń wo ɓə la myignyi nya lo azoba, wo ɓə la pwo.

Fye kwu zhigwu! Fye kwu awye ka! Fye ta kpe əsa əye lo n snukna yi ɓe si m.

Əsahosahoi n a wna fye jesnu aa ɓe n fyei n owada bwokwnu, fye to ɓə wodna ntu əɓo ɓo n fye ɓə da m. Fye ɓə ɓwa əɓo nu da n a ga fye kwo nsayii, ntuge əfye nu to ɓə daɓo m, ama Zafnu Gyigyiyi nu.

Əshe ń əknyii ɓa ɓə la duya, ama əmi aɓədagbma taa duya m nanyinanyi.

“Ama ntu ń nyipyei yi ɓo, kwo əsa, əzaho ta kpe əkwo əye lo m, kwo amaləka ń ɓa fyi n əshemi nyi, kwo Nugwnu m, akpəge Dada nu ɓwasnu gbmanyi.

She fye ɓə wo akwnusnu aɓo ɓədo n akwnusnu anabagyii, fye to ɓə vnyi m. Ɓəshishi nu aɓo ye pya ɓai zhni, ama əsa kpmaknayi ye ɓeɓelo nabye.

“Ntucenu, fye kwu zhigwu, ntuge fye ta kpe əsa lo n pwuwada ɓə jezeɓe ncei m; kwo n wyeshei nu, kwo n sukwo sadui nu, kwo əsa nu n pisenugba cekwu ncei nyi kwo n labmi-labmii. Ndəi n wa ɓe n əsagbmanyii, to ɓə ye woi snu ho shi hoi wnagye m. Əɓo n mi gna fye nyi, mi gna zahozahoyi nu cè: ‘Fye kwu zhigwu!’ ”

Əbyé ɓə laka da əbyé, jesnu əbemi ɓə laka da əbemi. Əknyi ɓə jeashna kwoi sofyi n aba gbowogbowo, jesnu myikwnu kəsnui ɓə gwnu. Aɓo ye nu zhni əɓyima nyasna yaya.

Kwo zhni ɓəshishi nu ai kwu nabagyi manai waazi kpmizhni ga abye vnyanya kpa.

Bəgyé ɓə ɓe fyi n əmi əye ɓai gna, ‘Əmi nu zhni əwo,’ jesnu ɓai fyi aza bəgyé kwoce.

“Ɓəshishi nu fya kwu zhigwu. A ɓə kwu fye ga fyi ń azhi atukwoda akwnu, jesnu a ɓə la fye ɓyeya fyi n Ayahudiyibwokwnu. Ntu əmi ɓo, a ɓə kwu fye lo ncei n agwomna abye ɓədo n asui n zhni aɓəkwnuyi ga əɓa.

Ntuge amasifu akatá nya ɓədo n sheaɓəgwognayi katáii ɓa ɓə kwukazhi ɓai wu aznù, ɓai zhni aɓoawowoi nabai ɓai dna aza kwoce, n kwa ye zhni, du n aknyiknyiyii.

“Ama fyi n gnyagwnugnya anyipyei yi avnu, “ ‘Nyipyei ɓə la dna wyegbma jesnu əpya to ɓə je əkwo bwuznagna ga m; akpasi ɓə kaya ń anyìbmana, jesnu anya n ɓa kpe n ashebmana ɓa ɓə jeashna.’