Oblíbené biblické verše z Matiós 5

Sdílet

Bédiédímbígen ilámba bánamb hiɛ́ uguá mbílígís gɔgaá, báguadigan hiɛ́ gá gueleé híbunya bandɔ gidigid abánya uguá giansɛ. Bilɔŋ bímomi haná ilámba híbunyanɔ́, ánaá bandɔ bánaán gubunya guánɔ, gá gueleé bandɔ bágánaán binɔ́g biánɔ biá melélíe bégúmenye Síe wánɔ unyaá ugumɔn.»

«Nunyɛ gise giá guísi. Tísɔna unyaá ahágánɔ agá ɔŋuɛnyɛ udiábínamban.

Beseé na bandɔ abánya na idɛ́m budányɛ, gá giagiá bánáan Uhaluá.

Beseé na Bandɔ abánúmanɔ́ na nsan na niída gá busió buá gindényé, gá giagiá bánábíhálan.

Yaŋuá gɔg yɔɔ́núɔyɔn áneé, ánaá núɔya babɛlɛ́bɛl bánɔ, nubísógólonye gá ebénúgényigenyeé.

«Beseé na bandɔ obógódionu biegu biá idɛ́m, gá giagiá Niguili niá gumɔn nínyɛ niɔ́b.

Beseé na bandɔ abágúnanɔ́ bumbénu, gá giagiá bɔ́nɔ́dɔ́ŋɛ́ɛn bɔ́ áneé baán bá Uhaluá.

Beseé na bandɔ abábaŋanɔ́, gá giagiá bónódóndonye bɔ́.

Beseé na bandɔ ɔbɔ́bígɔnaá gá busió buá gindényé, gá giagiá Niguili niá gumɔn nínyɛ niɔ́b.

Beseé súsɔ́n na bandɔ abánaninaá bulɔ́b, gá giagiá bánáan bɔ́ súsɔ́n bulɔ́b.

Nuanábá beseé bámánúsiga, bénúsésenye, bánúsúŋanɛn bimal biá moónyi gámɛ gá busió. Ánaá núfunde gilé, nubalaga, gá giagiá binam biánɔ bíánábá giandá ugumɔn. Nɔ́ bámala súsɔ́n na bebunebúné ebémebué gánɔ.»

Beseé na besúnsún, gá giagiá bánádáŋáab guísi guá ndán.

Nunyɛ nigɔ́b niá guísi, nigɔ́b gɔg nímásɔl bányɛ bóguonduguondinye niɛ́ gusam guá niɛ́ a? Nídibánd buand, bɔ́nɔh niɛ́ agá nígadá bandɔ bɛ́d gá mánígan niɛ́.

Banuá gɔg, ánaá núbá níŋíláníŋílá hana Síe wánɔ unyaá ugumɔn únyá níŋíláníŋílá.»

Uguá ginɛŋ igiɛ́ núgálgalaá, ánaá núondinye áneé: “ɛɛ́ɛ” ugúnya ana “ɛ́ɛɛ́” ubúólbuóndeé, búóguólónin uguá mamb.»

Bémenúhuínyihuínyé, bɔ́núɔyɔn áneé: «Mɔndɔ úmáguád niís ád yɔ́ niég súsɔ́n, mɔndɔ úmábáŋ niínyi báŋ yɔ́ niég súsɔ́n. Yaŋuá yɔɔ́núɔyɔn áneé: Bíníhínɛ́n ahánd. Mɔndɔ úmágɔ́b ɔmbɛ́l uguá nidám inidádɛ, díyé yɔ́ niá nímomi.

Mmába niís niáhɔ niá ɔmbɔ́g uhunɛ́m nínídúmanaá áneé ala bilɔga, bál niɛ́ omb niɛ́ hádɛ naánahɔ, gá giagiá búnyɛ beseé gáhɔ áneé enímie buláŋ buáhɔ búmomi, gudɔ́mb áneé nuɔ́l nuáhɔ gidigid nuɛ́d agá yoógi ihídiéhuén. Mmába ɔmbɔ́g huáhɔ uhunɛ́m húhúgusenyeé, sɔ́mb huɔ́ omb huɔ́ hádɛ naánahɔ, gá giagiá búnyɛ beseé gáhɔ áneé enímie buláŋ buáhɔ búmomi gudɔ́mb áneé nuɔ́l nuáhɔ gidigid nuɛ́d agá yoógi ihídiéhuén.»