Oblíbené biblické verše z Apocalipsis 3

Sdílet

Péga, jaỹim souetaa'uet jen' som, siỹáxatac. Da' 'uo ga' demachíỹa da' ỹiỹáxanaxac, da' 'uootaxa jaỹim ỹ'ouateguet, qana'chi jaỹim senoxonóoue ga' l'emec. Ỹim, qana'chi qo'mi niqui'ỹáxa'u.

Jaỹim saỹáten ỹima jen' 'au'étetacpi. Qataxa saỹáten da' sa 'am 'te dapiágaxata, qataxa sa 'am 'te p'e. ¡'Ónaxaic toqo' da' 'chi 'am dapiágaxata, 'uootaxa da' 'am p'e! Qaláxasa sa 'te da' 'chi 'am p'étac. Chan'eesa qaa'le 'am sanolec, qá'a sa 'am 'te dapiágaxata qataxa sa 'te da' 'am p'e.

Qá'a jaỹim ỹátaqta sevídaxat'ot, qataxa siỹamaxachiñi ga' lasouaxac jega'me ỹátaqta sauotec. Chan'eesa 'an'añaxato' qomle, qataxa 'auaxadíñi naua' 'adoico.

Jaỹim saỹáten ỹima jen' 'au'étetacpi. Jaỹim 'am sanem ñi' sega'me som n'ouátetaiỹi 'me qaỹa 'te ga' ỹañoxot da' ỹapadínỹi. Qá'a temaqaidi da' sa 'eesa'me da' 'ad'añaxac, qaláxasa 'aualaxalégue da' ỹ'aqtac, qataxa sa 'te da' jaỹim 'anpecoxolégue.

Jega'me dauégaxan qomle, qana'chi jega'me sanem da' 'uo jaga' nes'ónaxaqui ga' ñis'ónaqa' da' jaỹim net'a, da' qaidi 'ená'am ca'li jaỹim da' sauégaxan, qana'chi sonéta'ñi' ñi' ỹit'a Dios.

Qá'a 'auenapeela't da' 'am saliaxanec qataxa ỹátaqta 'aviỹamqáchiiñi, qaỹa 'te ga' 'auéetaaque. Qaláxasa sa 'te 'aulá'a da' 'am ỹátaqta qaỹa ga' 'adama'. 'Am choxodaicolec, qaỹa 'te 'ansáaque, 'am qanam, qataxa 'am saléuaic.

Qá'a 'am ỹátaqta 'aué'et da' ỹ'aqtac da' ỹátaqta 'aneuálaxain. Chan'eesa jaỹim 'am ñiquepaxatetalégue qomle ỹivíta ga' lalóqo' ga' napiináanataxanaxac 'me naguelégue ỹima, da' qoỹapiỹen ỹima jen' netalégue jen' 'aléua.

Jaỹim sa ñiỹáloxoden da' ñanac. Chan'eesa 'aviỹamaxatétac qomle jega'me 'am huet'ot, qaidi sa 'te da' 'uo ga' ỹacona ga' 'adaso'vi.

'Anlóỹi qomle, qana'chi 'au'añaqtet da'me maliaxa 'uo 'ad'onataxanaxac 'me ma'le sétaaque da' ỹim. Qá'a jaỹim selótapega da' sa nala'a't da' 'ad'onataxanaxac da' ỹic'atéetac ñi' ỹit'a Dios.