Oblíbené biblické verše z Lucas 11

Sdílet

'Ami matemané'e 'ami qalhuaxaiqa, qaláxasa 'auaỹáchiñii da' 'auañimii ga' 'ónaxaic ga' 'ac'óxochi, ¿hua'ago' da' sa naq'áita ñi'me 'adet'ai 'me net'ot na' piỹem da' ỹanem so' Espíritu Santo ga'me ỹiỹaxanot jiñi'me?

Qana'chi 'ami senapegalo naỹi: 'Aviỹáxañii, qaidi jiñi'me Dios 'ami ỹanema ga'me 'aviỹáxañiitaaque; 'auemítaxañii, tetoqo' 'auañíiỹa ga'me 'anmichíitaaque 'autóuoqoita'uo ga' som, qaidi 'ami qoỹ'ouáteeta.

Qá'a ga'me diỹáxan, qaa'le ỹaconguet ga'me dasélaxaataaque. Qataxa ga'me dimitaxan, qaa'le ỹauana ga'me nimitáaque. Qataxa ga'me ỹitóuoqtapee'uo jega' som, qaláxasa qoỹ'ouateguet.

Qaama'le so' Jesús 'enaaco': —Da' ỹivíta da' 'antamiñii, qana'chi 'oñíitojo': 'Am qadet'a 'me 'onet'ague na' piỹem, ỹima qoỹi'ỹoxoden da' 'adenaxat. Ỹa 'anamaxaño' qomle da' 'ad'onataxanaxac, tetoqo' ỹí'et ga' qonétapeec ỹima jen'me huetalégue jen' 'aléua, 'ená'am na'me huetalégue na' piỹem.

Qataxa 'auapalaxa't naa'me qadoico, qá'a qo'mi nataq'en sapalaxataq ỹima jen'me qo'mi qoỹ'eteque 'me sa nó'in. Qataxa 'ena't qomle da' qo'mi 'auaseneeta ga' qanapiinaguec, na'chidáta da' qo'mi 'antelaqtena'agueta ga' sa nó'in.

Ỹa qo'mi 'auanema ga'me seuénaqtaaque qonoq ỹiméda na' noloqo'te.

Naua' qad'ai'te na'chinaua naa'me 'ena'ama jaga'me coỹadáxanaqte 'me ỹicoỹadetalégue ga' siỹaxaua. Qana'chi naua' 'ad'ai'te da' 'uootaxa sa n'oi'n, qana'chi ỹima da' 'ad'óiỹaxac huétaaue da' n'álaxa.

Qaỹa 'te ga' ỹitétooue jaga'me lecoỹadáxanaqte, ỹim, qana'chi ỹaná'ña ga' napóchiiñi, 'uootaxa da' ỹano'ot ga' p'áñi jaga' cason. Na'chidáta da' ỹanaséguem jaga'me, qaidi da' 'uo ga' p'áuo, qana'chi ỹ'oqotelégue.