Oblíbené biblické verše z Matius 24

Sdílet

Bok jènhad kenèmbek sènꞌòy had nabetabeh lèrhir geb, sampéy jajéh sènꞌòy tok umbesayèkh wèl. Tapik chok rik tènhan bok besetiye ma sèj-sòj, akal Tuhan natèrgos.

Dak Gah Méj tentang Kerajaꞌan Allah akal sènꞌòy umꞌèg-oglèkh ma lok-lok tèk èn kenèmbek bumi, supaye kenèmbek kaum dapad mukeyòkh. Nòm kerek nak bok nalãj lah ma sèj-sòj duniak.”

Dak nyob akal nyob keyòkh chëh perang ròb gah perang, tapik agok lah nyob id. Kenèmbek hal nak haros umbelakuk, tapik bil nak tèk-tik tok nalèy-lòy ma nèjsòj duniak.

Kaum-kaum akal umbeperang kaban rik um, bok kerajaꞌan umbelawan samak kerajaꞌan. Bok akal mok chènrok rik terok ròb gempah bumi èn lok-lok tèk. Tapik kenèmbek nak had mulak eh hék — akal tik mok ibuk senusah wèl nambelakuk. Samak gerèk babok rik pay nagahmak mulak eh napejèd bil namyès-yos: rik nak nalèkh akal natabeh lebéh napejèd wèl.

Langid ròb bumi akal tok mèk-mok wèl, tapik nèlchal Yék jalꞌéng sampéy bilok-bilok.”

Jajéh sènꞌòy akal umlãj bok umgunak kenëh Yék dak umchal, ‘Yék lah Mèsias!’ bok umsèꞌlok ma jajéh sènꞌòy.

Bil mase nak sènꞌòy nòm kenèmbek kaum akal umcheꞌẽs ma nyob sebab nyob hoh ma Yék. Bok akal umròt ma nyob dak umꞌog ma sènꞌòy bekuwase untok mukeseh bok mucheleg. Dak bil mase nak, jajéh hèhoh Yék akal umjèk tok umpechaye wèl ma Yék. Umnak akal umcheꞌẽs kaban rik um, bok umꞌog kaban rik um ma sènꞌòy bekuwase untok mukeseh. Dak jajéh nabi bèj-bòj akal umlãj dak umsèꞌlok ma jajéh sènꞌòy.

Yèsus nasaꞌod, “Bejagak-jagak lah supaye sènꞌòy tok umbesèꞌlok ma nyob!

Dak gerèk nak keꞌjèk Yék, Sènꞌòy Nòm Sorga, akal ilãj bil nyob tok besabok. Jadik haros lah nyob betabéh selaluk!”

Jadik bebèh-bèh nyob lah selaluk, sebab nyob tok nyob lèng-lèkh bil arik Tuhan nyob namlãj.

“Tapik tok mèk-mok chok-chok pon namlèkh arik ròb mase hal nak mubelakuk. Mèn melaykat èn sorga pon tok umlèng-lèkh. Dak Kuwòt Allah pon tok nalèng-lèkh. Had rik Apak èn sorga hék nalèkh.

Bil nak akal umlãj mèsias bèj-bòj ròb nabi bèj-bòj, dak umnak akal umpèrnéh halak um ròb tande kuwase rik rayak untok musèꞌlok ma sènꞌòy. Bok akal umkèrdakh musèꞌlok ma sènꞌòy penili Allah pon, kalòw lah umnak boléh.

Bil Yék, Sènꞌòy Nòm Sorga, ilãj wèl, akal nabelakuk hal chachod gerèk rik nabelakuk bil jènman Nuh manah tòp. Sebab bil èn jènman nak èn tèk-tik tok nabègꞌag rayak, sènꞌòy nak umgos gerèk biyase hék: umga-géy, umꞌa-òng, dak umbebabéy. Kenèmbek nak umteꞌèl sampéy nalãj mase eh Nuh namòj ma kelòj bod rayak. Umnak tok umlèng-lèkh ilok rik nambelakuk, sampéy bègꞌag rayak nak nalãj dak nakèrbes umnak kenèmbek. Gerèk nak keꞌjèk akal bil Yék, Sènꞌòy Nòm Sorga, ilãj wèl: sènꞌòy tok umbesabok.