Oblíbené biblické verše z Matius 19

Sdílet

Yèsus nanéh ma umnak dak nasaꞌod, “Hek lah, pastik sènꞌòy tok dapad mumòj. Tapik Allah dapad natèrmòj ma umnak ma Kerajaꞌan Eh. Allah dapad nateꞌèl kenèmbek hal.”

Maksod eh nak, wènar nak kedak nar wèl, tapik hòj wèjadik néy. Jadik ilok rik hòj Allah nasèrmak, sènꞌòy tok boléh umbeparak.”

Yèsus nasaꞌod ma umnak, “Nyob pastik hòj nyob bache èn kelòj Kitab, Allah rik perèjhéj sènꞌòy nòm mulak eh ‘napèrhéj babeh ròb babok.’ Dak Allah nachal, ‘Sebab nak lah bil babeh naselòg ma léh eh, naperak ma apak ròb amèk eh dak nagel samak léh eh, dak wènar nak wèjadik néy.’

Dak Yèsus nachal ma mèn hèhoh Eh, “Agok huwok, perak sèdyẽd jèꞌjok nak mulãj ma Yék! Sebab sènꞌòy rik gerèk sèdyẽd doh lah rik Allah naterime ma kelòj Kerajaꞌan Eh.”

Tapik jajéh sènꞌòy rik paléng rayak èn duniak doh akal umjadik paléng tok bepenting èn mad Tuhan. Dak sènꞌòy rik paléng tok bepenting puꞌdoh akal umjadik paléng rayak èn mad Tuhan.”

Dak kenèmbek sènꞌòy rik pèꞌrak ma dékh um, atòw mèrpek bèhbeh, atòw mèrpek bèꞌbok, atòw apak, atòw amèk, atòw kuwòt-kuwòt, atòw selay supaye muhoh ma Yék, pastik sènꞌòy nak akal umterime lebéh ibuk wèl! Dak akal umterime nèsgos rik jalꞌéng samak Tuhan.

Dak Yèsus nasaꞌod wèl, “Kalòw hãk hachèn hamjadik kemën-kemën méj, wèk lah dak juwal kenèmbek harte hãh, dak og lah duid nak ma sènꞌòy hèl-hal. Dak akal hãk hadapad harte èn sorga. Pas nak jok lah, hoh ma Yék.”

Yèsus natanyak ma rik nak, “Nahey hãk hatanyak ma Yék tentang ilok rik méj? Had Allah hék rik méj. Kalòw hãk hachèn hamgos jalꞌéng, hoh lah ma nèrꞌor Allah nak.”

Hek, Yék imchal wèl ma nyob: mémang susah unta nammòj ma lubang jarup, tapik lebéh susah wèl untok sènꞌòy kaye mumòj ma Kerajaꞌan Allah.”

Jadik, Yék ichal ma nyob: chok rik pèꞌrak ma léh eh dak naselòg ma babok mòy, kemoh léh eh nak tok nabebènjhéj, sènꞌòy nak nateꞌèl dose bènjhéj.”

Dak Yèsus nachal ma hèhoh-hèhoh Eh, “Yék kemën ichal ma nyob, susah kemën lah sènꞌòy kaye mumòj ma Kerajaꞌan Allah!