Oblíbené biblické verše z Matia 5

Sdílet

Wo kyinə chúʼ kɛʼɛ kwóhə shyiikə ndəŋ ghɔ fɛ, bɔŋ ɔ chɔ̀ʼhə fùɔ ndəŋ kəfɔ, i báa kɛ̀ʼ yəŋbə tʉ bʉə bənchəŋ mu njaa. Kɛʼɛ-yii nɔ kie ndə məbáa haʼ nɔ bəshʉ bəbɛʼbʉə, mbɔ bɔ̂ŋ chʉʼ nyíɛ fɔʼɔ-jyujyu-yii, kɔ́ kuŋhə tʉ Tie-yii ndə ɔ bɛ yuo.

“Bii nɔ bɛ kɛʼɛ tʉ wʉʉnəmbikə. Yəŋkwɛʼtəŋkə ndə bə bɔ́ŋ ndəŋ kwɔŋ mə nə líi fɛ.

Tʉʉjyu nɔ bɛ yi-bʉə-yə ndə bɔ̂ŋ kie mu fyii tʉ́ʉnə, bʉʼka bɔ̂ŋ bu nyíɛ Nyii.

Tʉʉjyu nɔ bɛ tʉ bʉə ndə jyʉʉ mətə́nə ndyʉndyʉ tʉʼ yɔ́ʼ bɔŋ, bʉʼka bə bu yúʼ bɔŋ tə bɔ̂ŋ yúo.

M̈ɔ bɔŋ shyíi bii mbɔ b̈ii kʉ̀ʉ bʉə-bàa-bii, gháaNyii tʉ bʉə ndə bɔ̂ŋ tʉʼ chɔ́ŋhə bii

“Tʉʉjyu nɔ bɛ yi-bʉə-yə ndə bɔ̂ŋ kínə mbɔ bɔ̂ŋ mə kwáa ŋwɔŋ-yʉə fɛ, bʉʼka Sɔ́ʼ Fɔŋ Yuo nɔ bɛ yʉə-yə.

Tʉʉjyu nɔ bɛ yi-bʉə-yə ndə bɔ̂ŋ tʉʼ chìi mbɔ b̈ʉə kie fyiighʉ́ənə, bʉʼka bə bu tíi bɔŋ nə vâa-Nyii.

Tʉʉjyu nɔ bɛ yi-bʉə-yə ndə bɔ̂ŋ tʉʼ gwía nduɔ bʉʼka bə bu yá fyiihə-ʉə.

Tʉʉjyu nɔ bɛ yi-bʉə-yə ndə bə tʉʼ chɔ́ŋhə bɔŋ bʉʼka bɔ̂ŋ tə́nə ndyʉndyʉ ghɔŋbə Nyii, bʉʼka Fɔŋ Yuo tʉʼ sɔ́ʼ bɔŋ.

Tʉʉjyu nɔ bɛ yi-bʉə-yə ndə bɔ̂ŋ tʉʼ kie tʉvyiikə ndəŋ bəbɛʼbʉə, bʉʼka bə bu dʉ̀ʼ tʉvyiikə tʉ bɔŋ.

“Tʉʉjyu nɔ bɛ tʉ bii ndə bəbɛʼbʉə tʉʼ chɛ̀ŋtə bii, kə́ chɔ́ŋhə bii bɔŋleʼ kə́ gìe ntɛ-bənu-bʉəbʉə-hə inchəŋ kətʉ-bii təmə mɔ̀ʼ luu-i fɛ, bʉʼka mɔ. T̈ʉʉ-yii kə́ sʉ́ʼnə bɔŋleʼ bʉ̀ʉ, bʉʼka kɛŋbə-ii bu yɔ́ŋ yuo, bʉʼka bɔ̂ŋ nɔ kə́ chɔ́ŋhə haʼ bʉəyʉkəŋgieNyii nɔ ndə bɔ̂ŋ kə gwè hə bəshʉ bii.

Tʉʉjyu nɔ bɛ yi-bʉə-yə ndə bɔ̂ŋ lʉ̀ ŋwɔŋ-yʉə sê, bʉʼka bɔ̂ŋ bu yú chisêkə.

“Bii nɔ bɛ chʉəʼ tʉ wʉʉnəmbikə, kaʼ bɔŋ məsʉ́ʼnə chʉəʼ nɔʼ mì, bəkɔ a chìi ka chɔ i buŋ bʉ̀nə leʼ sʉ́ʼnə? I mə leʼ kwáa ndə nubɛʼkə fɛ, yaʼkɛŋ mbɔ b̈ə tyù, kə́ tòʼtə ndəŋ ghɔ.

Mbəŋ-yii ndʉʉmɛ, nɔ kie ndə məbɛ kʉ̀ʼnə haʼ ndə Tie-yii ndə ɔ bɛ yuo bɛ kʉ̀ʼnə.

B̈ii kʉ̂ʉ kə ghɔ̀ŋ mbɔ, ‘Əŋ’ nɔ, kə bɛ ‘Əŋ’ byuunɔ ‘Mbee’ nɔ, kə bɛ ‘Mbee.’ Nubɛʼkə ndə i tíŋ yɔ̄ŋ-yə, nɔ gwè hə kəghɔ-Sata.

“Bii nɔʼ kə yʉ́ ndə bə kə ghɔ̀ŋ mbɔ, ‘Kaʼ wo tóʼ shʉ-a, b̈ə leʼ tóʼ yi-yə ghɔ, kaʼ wo chóʼ gyʉəʼə-a, b̈ə chóʼ yi-yə ghɔ.’ Bɔŋ nɔʼ m̈ɔ shyíi bii mbɔ, kə a mə kə́ kɔ̀ɔtə ndə məbʉ̀nə tyú bʉ̂ʼʉ tʉ wo-bʉ̂ʼʉ fɛ. Bɔŋ kaʼ wo chʉ̀əʼhə a gwúu ghɔkə chu-a kwiimɔʼnə, ä jʉhə.

Kaʼ kwii-vaashʉ-mɔʼnə-aŋ tʉ́ʉhə a, a chìi bʉ̂ʼʉ, ä chʉ́ʼ fyúhə mɛ̀ʼ. Bʉʼka i nɔ bʉ̀ʉ mbɔ a bɛ́ yəŋ-mbʉə-kə-a imɔʼ, tə chàa mbɔ b̈ə mɛ̀ʼ ŋkwê mbʉə-a inchəŋ mu viʼi. Kaʼ kwiimɔʼnə-aŋ chìi a, a chìi bʉ̂ʼʉ, ä chʉ̀ə fyúhə mɛ̀ʼ. Bʉʼka i nɔ bʉ̀ʉ mbɔ a bɛ́ yəŋ-mbʉə-kə-a imɔʼ tə chàa mbɔ ŋ̈kwê mbʉə-a inchəŋ gɛ̀ mu viʼi.