Oblíbené biblické verše z Luqka 12

Sdílet

Yaqklongoeng klanyangi tuk loeq daedae om boei tuk. A'pi klongoeng naka nanghniq loeq mkhinaq tuk khoeq kho wa khlaungcaw a'lo wai taeng a'hau haq.

Yaqklongoeng Boipaw khomcaeng sui boei tuk. Yaqnaka nei haqkhoeq nanghniq tawiq ya a'la a'mpaek haqlai.

Yaqkiyoeng Boiyesuq loeq khlaung haqla, nanghiqa nanghniq nán law phaqi mlung a'moeiq khoeq sa'diq tawyi tuk loeq mphaen boei tuk. A'piyawoe naka nang pi hyawq na'khoeq moeiq loeqkhaw nang na'poengi haqkhoeq a'macaek khoeq saukta tawiq seiyaq klongoeng a'phlaet taeng a'hau.

Nanghniq mlungko haqkhaw nanghniq won thaung a'moeiq duna noeng a'omai.

Pa'haiyi tuk loeq nanghniq sauk khoeq nayiyaq baung a'sau nauk moe?

Ta'paiq haqla Boi loeq a'la a'hau haqkhoeq plau teq yaqklongoeng nanghniq kha nán nei laqai yoe? nakkhoeq nán sauk tawiq pa'haiyi naukai tuk. Kha nán wawtcaw nauk laqai yoe? nakkhoeq nán pumyo tawiq pa'haiyi yai tuk taeng a'hau haq.

Nanga na'luwa khoeq na'sawm pak saet loeq a'tauk caen. Nanghniq khoeq phlaetcaw haq thauka a'phu nán laen haek.

Toe mcuq hyaungcaw haq lo keiqai tuk. Nanghniq Boipaw loeq nanghniqa yaq khomcaeng a'mpaek haq waiq.

Aaungaw haqla soboei tuk loeqteq klnayangi boei tuk. Yaqhniq loeq mcoeq khaw mcoeqaq uk, sim khaw simaq uk. Án tauk dun laeng khaw moeiq yaq. Seiloeqkhaw Boipaw loeq yaqhniqa án yai khoeq a'paek haq. Nanghniq khoeq yaq pha'yaw haq thauka thaengthaeng a'phu nán laen.

Yaqklongoeng nanghniq loeq pi ka'ei laqai yoe? Pi ka'ok laqai yoe? nakkhoeq suiyai tuk. Pa'hai khaw pa'haiyi yai tuk.

Myumi mlung a'mlaet khoeq khlaung haqloe, ta'hnupa a'sauk haeng loeqteq hyantaqa mipuma a'tong a'laqi yai khoeq nei cauka pak Boipaw loeq na'hyawq a'sang paek nak loeq nanghniqa pi hyawq noeng a'msang paek haqlai yoe?

Kupu loeq má tauk khoeqhaq a'phwai laqi yaq nakkhoeq moeiq yaq. Thuq pu loeq má tauk khoeqkhaw a'phau laqi yaq nakkhoeq pikhaw moeiq yaq.