Oblíbené biblické verše z Ufaru 39

Sdílet

A̱sulazuva a̱ da̱na̱ ta̱ oɓolo na̱ Isuhu, waru u tsura̱ ta̱ ulyuwu we elime a̱tsuma̱ o u'wa wu zagbain va̱ yi vuma va Masar.

Ɗaɗa u zuwai ili i na u ri na̱ a̱yi suru e ekere a̱ Isuhu. U da̱na̱ a majiyan me ili i ro shi, she ili i na waa lyuwa. Isuhu ulobo u sa'ani u ɗa u da̱na̱i waru u tsura̱ ta̱ uruma.

Reve zagbain vu u'wa wa ali'i u zuwa Isuhu wo o'wo zagbain va aza a na a̱ ri pe suru, waru a̱yi ɗa aci e ili i na aa yuwan pe suru.

A̱vu zagbain va̱ Isuhu tara yi reve u zuwa yi o u'wa wa ali u na ngono maa zuwusa ama a na a zuwusa o u'wa wa ali u le. Agba Isuhu pe o u'wa wa ali'i, A̱sulazuva a̱ da̱na̱ ta̱ oɓolo na̱ a̱yi, a̱vu u roco yi icigi waru u ca yi isa'ani e ekere a zagbain va̱ a̱za̱ o u'wa wa ali'i.

Ana a tarai mantsa wa'a, reve ka vu zagbain va̱ yi ka̱ra̱ a zuwusaa yi esu, reve u damma, <<Ta̱wa̱ vu von na̱ a̱mu.>> A̱vu Isuhu 'yuwan, reve u damma yi, <<Zagbain va̱ ri a majiyan me ili i ro o u'wa u nda shi, waru u lyawa ta̱ ili suru a̱tsuma̱ o u'wa u nda e ekere a̱ va̱. Ko vuma la'a mu tsugbain a̱tsuma̱ o u'wa u nda shi! Waru u putsa mu ni ili i ro shi she a̱vu, adama a na a̱vu ka va̱ yi ɗa. Adama a̱ nye maa yuwan cu'un va̱ a̱ba̱jini e iwuya i nda, n yuwaan A̱sula̱ unusu?>>

Urana u ro, reve Isuhu ka̱ra̱ a uwa a̱tsuma̱ o u'wa adama u yuwan ulinga wa̱ yi, waru ko vali ta̱ a̱tsuma̱ a aza a na aa yuwusan ulinga pe o u'wa u da̱na̱ pe shi. A̱vu ka'a u reme yi utugu, adansa, <<Vu von na̱ a̱mu.>> Amma a̱vu Isuhu lyawaa yi utugu'u o ukere, a̱vu u suma o uta̱ a alanga.