Oblíbené biblické verše z Ufaru 17

Sdílet

Ana Aburam da̱na̱i na a'wan kupakucci na̱ kucci, a̱vu A̱sulazuva o roco yi aciya̱yi, reve u damma yi, <<A̱mu ɗa Mogono me Ili Suru. Vu toni mu no okolo a̱ ta̱.

A̱a̱ da̱shi ɗe wu Aburam shi, amma aala a̱ wu a̱ ta̱ ka̱mba̱ Ibrahim, adama a na n zuwa wu ta̱ vo o'wo akaya e iɗa ya̱ a̱bunda̱.

N to shiton akucunu a na n yuwain na̱ a̱vu na̱ limatan va̱ a̱ca̱pa̱ suru. Akucunu a na oo koto shi a ɗa maa yuwaan wu, na̱ limatan va̱ a̱ca̱pa̱ a̱ wu. N to o'wo A̱sula̱ a̱ wu na̱ limatan va̱ a̱ca̱pa̱ a̱ wu.

<<Akucunu a na maa yuwaan wu a ɗa nda: vu to o'wo akaya e iɗa ya̱ a̱bunda̱.

A̱vu A̱sula̱ a damma, <<Ne ɗa shi! Ka va̱ wu Saratu, a̱yi ɗa waa matsaan wu mawun mo ulobo. Ishiyaku ɗa vaa ca yi aala. Ya̱'a̱ yi ɗa mee isawaton akucunu a babu ukotu a̱ va̱, na̱ limatan va̱ a̱ca̱pa̱ va̱ yi.

N ta ca wu oɓolo na̱ muwun mu ugundo ma̱ wu iɗa i na i ri pe o limocin. Iɗa ya Ka'ana suru i to o'wo iɗa i muwun mu ugundo ma̱ wu suru suru, waru n to o'wo A̱sula̱ e le.>>

A̱vu Ibrahim ka̱ɗa̱to nu urewesu wa̱ yi e iɗa, reve u zo'oso o okolo a̱ yi, adansa, <<Cine aa matsaan za na ri na a'wan ukpaku ulobo? Saratu waru u ta gura matsan a̱yi na a'wan kupakucci?>>

A̱vu A̱sula̱ a damma yi, <<O una̱ wu ka va̱ wu, she vu da̱shi ɗe yi Saraya wan, Saratu ɗa oo o'wo aala a̱ yi.

A ta paɗa wu uryumbu, a̱yi ɗa woo o'wo iroci ya akucunu a̱ va̱ na̱ a̱vu.

Agba n te isawaton akucunu a̱ va̱ na̱ mawun ma̱ wu Ishiyaku, za na Saratu aa matsan nkoli a mantsa mo gogo.>>

Ulobo u na u yuwain rana kunla̱ suru nu umatsun a̱tsuma̱ a̱ ɗu, a ta paɗa yi uryumbu hali a̱ tyo o ugundo u ɗu suru. Za na a matsain o u'wa, ko za na a tsulai ni ikebe o ukere wu mocin suru, za na ri umatsun u ɗu shi, a paɗa yi uryumbu. Umatsun wu u'wa wa̱ wu suru na̱ za na a tsulai ni ikebe, na a ciga a 'yuwan a paɗa yi uryumbu. Mayuwaan ne ɗa lipu ɗu oo roco a na akucunu a̱ va̱ na̱ a̱ɗu oo koto shi.