Oblíbené biblické verše z ရှင်လုကာ 17

Sdílet

အယ်းနွောဂ်မောင် ကွိုယ်တော်ယေရှုခေါ့ အယ်းရှမာရိပှယ်ဆောကွို “ထော့ပွီး ဆိုးပေါ်။ နန်ဟော် ငေါ့ကွိုယုန်ကျည်ရယ့်အတွကျွောင့် နန့်ယယ့်အနော်ရိုးကော်ဟော် ပျွောဂ်ခယ့်ပီဖှဂ်ရယ်” လွို့ မိင့်တိုမူလေရယ်။

ငေါ့ကွို ယုန်ကျည်ရယ့်ဆူဟော် နန့်ကွိုတနေ့ထယ်းမောင်ပယ်း အကျိင်အမျောကျွီး ပှဂ်မောမိပွီး ဆူပှဂ်မောရယ့် အကျိင်တောင်းအတွ နန့်နောင်းကွိုလော်ပွီး ခွမ့်ခွှဂ်ပေးပေါ်လွို့တွောင်းပန်ယန် နန်ဟော်ဆူ့ကွိုခွမ့်ခွှဂ်ပေးယော့မောင်ဖှဂ်ရယ်” လွို့ မိင့်တိုမူလေရယ်။

အယ်းဆူတွို့ထားခေါ့တယွောဂ်ဟော် ဆူ့ယယ့်အနော်ကျွီးရိုးကော် ပျွောဂ်ကန်းဆိုးကျွောင်း ဆိဆယော့ရယ့်အခေါ် ကှာလွောင်ရယ့်အဆောင်နောင့် ဖရောဆန်ယယ့်ဂုဏ်ကျယ်းဇူးတိုကွို ဝုန်းမွှောဂ်ဝုန်းဆော်ခှီးမွမ်းယန်း ကွိုယ်တော်ယေရှုဆိယော်ကွို ပှန်လော်ခယ့်လေရယ်။ အယ်းနွေ့ာဂ်မောင် ဆူဟော် ကွိုယ်တော်ယယ့်ချေတိုရန်းမောင် ပှောပှောဝို့ ဦးညွှဂ်ပွီး ကွိုယ်တော်ကွိုကျယ်းဇူးစကောဟိုးလေရယ်။ အယ်းလူဟော် ရှမာရိပှယ်ဆောဖှဂ်ပွီးဂျူးလူမျွိုးမဟွိပေါ်။

အယ်းယော်ကျွောင့် နန်တွို့ဟော် တပေါဆူကွို အပှဂ်ဒုစရောဂ်ကျူးလွမ်စေဖွို့အတွ လိင်ညော်ဖျောယွောင်းခှင်း မပှုလုတ်ကျော့ဖွို့ဆတိထောကျော့ပေါ်။ ငေါ့ကွို ယုန်ကျည်ဆူတဦးဟော် အပှဂ်ဒုစရောဂ်ကျူးလွမ်မိယန် ဆုန်းမော့ပေးကျော့ပေါ်။ အယ်းလူဟော် ဆူကျူးလွမ်ရယ့်အပှဂ်ဒုစရောဂ်မျောကွို နွောင်တော့ယော့ခယ့်ယန် ခွမ့်ခွှဂ်ပေးကျော့ပေါ်။

အယ်းအခေါ် ကွိုယ်တော်ယေရှုခေါ့ “အနော်ကျွီးရိုးကော်စွား ကောဂ်နေရယ့်လူဆာယွောဂ်ကွို ငေါ်ကုပေးခယ့်ရယ်။ ဟော်လူမျွိုးချောခေါ့လွားပွီး ကှင်ကွိုးယွောဂ်ဟော် စမော်လော” လွို့ မိင့်တိုမူရယ်။

အယ်းအခေါ် ကွိုယ်တော်ယေရှုခေါ့ “နန်တွို့ဟော် ဖရောဆန်ကွို မွိညမ်းစယ့်လွောဂ်ပယ့်ဆိရယ့် ယုန်ကျည်ခှန်းဆိကျော့ယန် ကော်တရော်ကျွီးရယ့်အပန်ကျွီးကွို အမှဂ်ခေါ့နေကွှဂ်ထွိပွီး ပန်လာထားမောင်ဆိုးပွီးပွေါဂ်ပေါ်လွို့ အမိင့်ပေးယန် နန်တွို့အမိင့်ပေးရယ့်အတောင်း အယ်းအပန်ဟော် ရွိဆိုးပွီး ပန်လာထားမောင်အဆေအချော်ပွေါဂ်ယွောဂ်နေလောဂ် မောင်ဖှဂ်ရယ်။

အကျွောင်းမောင်ကော ဟော်လိုးကော့မောင် ကွိုယ့်အဆဂ်ကွို ကာတန်လွိုရယ့်လူ စူမဆွို နိစ္စော့ထော်ဝရော့အဆဂ်ကွို ယော့မောင်မဟွိပေမယ့်လယ်း ငေါ့အတွကျွောင့်နောင့် ကွိုယ့်အဆဂ်ကွိုတအွောင် စွမ့်နောင်ရယ့်စိဆိယန် နိစ္စော့ထော်ဝရော့အဆတ်ကွို ယော့လောဂ်မောင် ဖှဂ်ရယ်။

အယ်းနွေ့ာဂ်မောင် ကွိုယ်တော်ယေရှုဟော် ဆပယ့်တိုတွို့ကွို “လူရယ်ဟော် ဖရောဆန်ကွို နောခေါင်ခှန်းမဆိစေဖွို့ အချောလူမျောကွို အပှဂ်ဒုစရောဂ်ကျူးလွမ်မိစေဖွို့ ဖျောယွောင်းဆွီးဆွောင်မောင် အဆေအချော်ပယ်းဖှဂ်ရယ်။ ဟော်ပေမယ့်လယ်း တယွောဂ်ယွောဂ်ကွို အပှဂ်ဒုစရောဂ်ကျူးလွမ်စေဖွို့ ဖျောယွောင်းဆွီးဆွောင်ရယ့်လူဟော် ကော်တရော်ဆားရားဒုက်ခေါ့နောင့်ကျုန်တွိယော့လောဂ်မောင်ဖှဂ်ရယ်။ အယ်းလူဟော် ဆူတပေါကွို အပှဂ်ကျူးလွမ်စေမယ့်အစော ကွိုယ့်လည်ဖန်းကွို ကျွိုးကွမ်းစွဂ်ကွောဂ်တုန်းဆွားပွီး ပန်လာထားကွို ခွိင်ခှော့တော်ကော့ ပွိုပွီးကွောင်းပေါ်လောဂ်မယ်။

နောဧအဆဂ်ချန်နေခှိင်မောင် ဖှဂ်ပျဂ်ခယ့်ရယ့် ယေလွမ်းမွိုးခှန်းနောင့် မကျုန်တွိယော့ခန်မောင် လူတွို့ပှုမူနေထောင်ခယ့်ကျော့သလွိုမျွိုး ငေါ်လူဆောတိုပှန်ကျို့လော်မယ့် အခှိင်မတောင်ခန်မောင်လယ်း လူတွို့ဟော် အယန်ခေါ့အတောင်းပယ်း ပှုမူနေထောင်ကျော့လောဂ်မောင်ဖှဂ်ရယ်။ အယ်းအခိင်ကော့ လူရယ်ဟော် ဆူတွို့ပှုနေကျော့အတောင်း စောဆွောဂ်လောဂ်၊ လဂ်ထောဂ်လောဂ်၊ ပေးစောလောဂ်နောင့် နေနေခဲ့ကျော့ရယ်။ နောဧဟော် ဆူဆွောဂ်ထောရယ့်ခှယ်ထားကွို ဝမ်ယွောဂ်ရယ့်နေ့မတောင်မီအထိ လူရယ်ဟော် အယ်းအတောင်းပယ်း ဆဂ်လဂ်နေထောင်ခဲ့ကျော့ရယ်။ အယ်းယော်ကျွောင့် ရို့တရ ယေလွမ်းမွိုးခှန်းကှော့ယွောဂ်လော်ရယ့်အခေါ် ဆောင်းဖုန်းမပှင်ဖဂ်မောင်ဆိရယ့် လူအောလုန်းဟော် ယေနဂ်မွှုပ်ပွီး ဆေးဆုန်းခယ့်ကျော့လေရယ်။