Oblíbené biblické verše z ရှင်လုကာ 5

Sdílet

ကိုယ်တော်နား အင်မ်ဘော် အဟောပါလ်နောလ် ရှိမုန်ငေါလ် “လော် သွီးထုတ်နောက်ကာလ် လှော်ထေ့နား ငေါမင်ဟိုင် ဘာတ်ခေါ့ဝြား” တိရို အမိန့်။

ရှိမုန်နားခါ “ဆလော်ဝြား၊ ကေးမီနား ညှာတိမီဝေါလ်မီဟှတ်လုံးလုံး ကြိုးစားပမ်းစားငေါမင်နားခါ ထစ်ဟှတ်ခါ လောဒ့်ယော်င။ အင်မ်ဘော်နားခါ ဆလော် ဟောင်ဘော် ဘာတ်ခေါမ် ကေခေါက်ကိုက်” တိရို အဖြေဘွာလ်။ အင်မ်ဘော်ဝေါလ် ဘာတ်အာမ်ခေါက်ဟိုဝေါလ် ဘာတ်သာရိုက်ထုဟနောလ် ငေါလှီ့ပူးနူး အာမ်လောဒ့်။

အင်မ်ဘော်နားခါ ကိုယ်တော်ယေရှုခေါမ် ခေါင်လှီ့မယ်ယနောက်ကာလ် အအာဘွတ်စော ဈာတ်ထေ့နား ဆုအတောင်ငယ်ထေ့။

အင်မ်ဘော်ဝေါလ် ကေးခါ ဖြောင်မတ်တိလှီ့တွက် ကေလူးခေါမ်ဆီးယော်။ အင်မ်ဘော်နားခါ အပြစ်ဒုစရိုက်ဆော်လှီ့နား နောင်တလောဒ့်ဟိုင်တွက်ကာလ် ကေလူးယောင်” တိရို အမိန့်။

ရှိမုန်ပေတရုနား အင်မ်အဖြစ်ပျက်လှီ့ အမှူးခန်းနောလ် ကိုယ်တော်ယေရှုခူဇောလ်ဝေါလ် ကူလုဗာန် ခခ်ထေ့နား “အရှင်ငါး၊ ကေးနောက်ခေါမ် အပြစ်ဒုစရိုက်ဆော်ဝေါလ် ကေထောလ်ခန်းနောလ် ကေးစငေါလ်ကိ ဈာတ်ဘွာလ်ပက်တား” တိရို အဟောင်။

ကိုယ်တော်နား အင်မ်လှီ့အောလ် အဟောင်ဘွာလ်ခေါမ်စေး “စာန်မားတိလှီ့နား ဓူဆလော် လီဟိုင်ဆီးယော်ဟ။ နိမို့လှီ့နားယောင် ဓူဆလော်အာမ်လီ။

အင်မ်ပါလ်နောလ် အင်မ်လှီ့နားခါ လော်လှီ့ ကုမ်းကာဝေါလ် ဟှပ်ထေ့နား မယ်တိတက တောဟိလ့်ထေ့နား ကိုယ်တော်ယေရှုနှူဝေါလ် အာမ်ယုန်းလူးလှာယ်။

အင်မ်ပါလ်နောလ် ကိုယ်တော်ယေရှုခေါမ် လုလုဟှတ်တောလ် အမယ်ဟိုဝေါလ်၊ ပုန်းယူပြတ် အနာကြီးရောဂါဝေါလ်ထောလ်တိ ပုတောပွလ်ဟှတ်အမယ်။ အင်မ်နား ကိုယ်တော်ယေရှု အမှူးနား ခခ်ထေ့နား “အရှင်ငါး၊ အရှင် နာလီအမယ်ဟိုဝေါလ်စေး ကေး ရောဂါခိတ်ဘွာလ်ဟနောလ် နာဓူပက်ခွတ်” တိရို အခို့အယ်။ အင်မ်ဟိုဝေါလ် ကိုယ်တော်နား အကွတ်သာဗာန် အင်မ်ခေါင် လှမ်ထေ့နား “ကေးနား ဓူဟိုင်ကေလီ၊ ခိတ်ဆတ်” တိရို အမိန့်လား အနာကြီးရောဂါခေါမ် ချက်ချင်းအခိလ်ဘွာလ်လှလ်။

အင်မ်ဘော်နားခါ ကိုယ်တော် ဆီးတင်ခေါမ် ဓိလ်တိုင်ငေါလ် ပိုဝေနားအပျံ့နှံ့ရော့ခ်ခန်းနောလ် ခေါင်ထုလှီ့နား ကိုယ်တော် တရားဟောခေါမ်လှီ့ ငေဟိုင်လား အာမ်ရောဂါလှီ့ ဓူဝေဟိုင် စုအယ်နား အာမ်ခိုက်လူး။