Oblíbené biblické verše z လုကာ 12

Sdílet

တစ်လောက်ကာနိုး ချောင်စိုးနော်ငဟော့ နောင်နိအမျှော်လင်းငှားဟော့အချိန်ဝါ ပြန်လော့အကြွလူးဝဲကြောင့်ငို နောင်နိအချိန်တိုင်းအရှင်သင့် မော့လအယ်" သိမ်အမိန့်တော်မူတို့။

ထိုကြောင်းငို ဘုရားသာသနာတော်အတောက် နောင်းနိလော့မောင်းအစိုင်းခုသိမ်နိုး အာရုစိုက်ဘွေတွက်။ နောင်နိ တစ်လောက်ကာအစိုင်းကနို ဟောနီအရာဝဲ့ငဟော့ အပိတ်ဝဲ" သိမ်အမိန့်တော်မူတို့။

အနီပုန်ပိ ကိုယ်တော်လော့ ချောင်ပရိတ်သတ်သဲ့ယာ "လောဘအလင်းငဟော့အမျိုးမျိုးငဟော့ သတိတောက်အောင်တစ်လော့တဲ့ နောင် ရှောင်ကြည်ဘွေတွက်။ ဘယ်သိမ်ကြောင်းငိုဝေါနိုးပုဝါ နောင်နိ အပိုင်ဆိုင်ငဟော့ဥစ္စာပစ္စည်း ပရိုးပမော့ရမော့ နောင်းငဟော့ပရိုးပချမ်းသာဘဲဆု ဆိုအရာဝဲ့ငဟော့ ဘဝဝါ အမှန်တစ်ကယ် အရေးပိုဝါကြောင်းငိုအဖြစ်။

ဘယ်သိမ်ကြောင်းငိုဝေါနိုးပုဝါ နောင်နိ ဥစ္စာပစ္စည်းအမော့နောက်ဒုန်းနာနိုး နောင်နိအလုန်ငဟော့ဟော အဖိုးဟယ်" သိမ်အမိန့်တော်တို့။

နောင်းနိဝါ နီးငဟော့ စိုးရိမ်ပူပန်လော့တဲ့ နောင်းအရှောက်ငဟော့ တစ်နာရီပ ပိုလော့အရှော့အော်ခုမိုး။

နီပေါင်ပိ ကိုယ်တော်ယေရှုလော့ တပည့်တော်ဝဲ့ဝါ "နီကြောင်းငို နောင်နိယာ ကေ့ကဟောက်ဝိုင့်ယဟော့ နောင်နိဘဝ တောက်မောင်းလေးလအယ်သိမ်၊ နောင်း ခန္ဓာယ်ကိုယ်ငဟော့ မောင်းငဟော့အလုန်ပူဝိုင့်တို့။

နောင်နိလူဝါ မွက်ဟော့ နောင်နိဆွန်းပရိုးသိမ်ပ ဘုရားရှင်လော့အမှတ်။ နီကြောင်းငို နောင်နိကေ့အေရိုင်တို့၊ နောင်နိယဟော့ ဘုရားရှင်တောက် ဖရိုးစိပ်စိပ် ထောက်ကာ တန်ဖိုးနောင်နိမွက်" သိမ်အမိန့်တော်မှုတို့။

ခုတ်ဝေါတ် ကိုယ်တော်လော့ "သိုးအုပ်စုစအောင်ဝဲ့ဝိုး နောင်နိ ရွှေမြို့တော်ဝါအမော့ငဟော့ပအောင်ဘုရားလော့ နောင်နိယာ ဘုရားသာသနာတော် အပိတ်ကိုင်း အလိုအမွက် ကေ့ဝဲတွက်။

အာန်အို့ ဝဲ့နော သိုင်ငဲ့တို့၊ ယနိလော့ မျိုးကြဲသိမ်ဟော့မော့ရ၊ အရိပ်သိမ်းသိမ်ဟော့မော့ရ၊ အတောက်ဝဲ့ငဟော့ ပွတ်ဟော့မော့ရ။ ဆိတ်လော့ဟော ဘုရားရှင်လော့ အာန်အို့ဝဲ့ရာ အအေးဒုန်းဝဲ့ငဟော့ အစို့။ နောင်နိယဟော့ အနီဖရိုးထောက်ကာ ပိုလော့ တန်ဖိုးနောင်နိမွက်။

ထိုကြောင့် နောင်နိယဟော့ မအေးလအယ်၊ မောင်းအုပ်လအယ် သိမ် အလှုန်ပူဝဲ့တွက်။။

ဘုရားရှင်လော့ တစ်နှတ်မော့လော့တဲ့ဟုန်တို့ မီးဒိတ်ကာ အပျက်စီးအခေါင်းလအယ်ငဟော့ လိုင်ကွင်းဒိတ်ကာအမော့ငဟော့ တောရိုင်းပန်းငဟော့ တစ်လောက်ကာ အရို့ပိတ်ကနို နောင်းနိငဟော့ပိုလော့တဲ့ အပေါ့အော်အုံ အရှင်ပိတ်ဝဲ့အဖြစ်။

အကွက်ငဟော့အရာငဟော့သမျှငဟော့ အဟူးငဟော့ခေါင်းလလော့တဲ့။ အထူးငဟော့ဟော့ အားအုံးငဟော့ ချောင်အားလုံးလော့ ယနိမှတ်လအယ်အဖြစ်။